گه‌ڕان

Shadow Shadow
سیاسه‌تی

پۆلیس: گومانمان لە دار و بەرد هەیە

بۆ یەکەمجار ڤیدیۆی ناو ئەو تونێلە ببینە کە لێیەوە دزی لە زێڕنگەرەکەى سۆران کرا

2020.03.09 - 21:25
App store icon Play store icon Play store icon
بۆ یەکەمجار ڤیدیۆی ناو ئەو تونێلە ببینە کە لێیەوە دزی لە زێڕنگەرەکەى سۆران کرا

کەناڵی ناس کورد لە تێلیگرام جۆین بکە   

ناس کورد- پۆلیسى سۆران سەرقاڵى لێکۆڵینەوەى وردە بۆ ئاشکراکردنى ئەو کەسانەى دوکانى زەڕەنگەڕێکیان لە سۆران بڕى، بەڵام تا ئێستا لێکۆڵینەوەکان نەگەیشتوون بە ئەنجام. . شەوى هەینى ڕابردوو، دوکانێکى زەڕەنگەر لەناو بازاڕى سۆران لەلایەن کەسانى نەناسراوە بڕدرا و 40 کلیۆ زێڕ و نزیکەى 35 دەفتەر دۆلارى تێدا دزرا. . شەماڵ بێوار، وتەبێژى پۆلیسى سۆران بە ناس کوردى ڕاگەیاند، "لەو ڕۆژەوە تا ئێستا ڕۆژانە 24 کاتژمێر سەرقاڵى لێکۆڵینەوەین، لەبەرئەوەى رووداوێکى گەورە و نوێ بوو، تا ئێستا چەندین حاڵەتى دزی هاتووەتە پێش هیچیان لە دەست پۆلیس دەربازیان نەبووە، بەڵام ئەمەى ئێستا شتێکى نوێ بوو". . دزەکان کە تا ئێستا نەناسراونەتەوە بۆ بڕینى دوکانەکە تونێلى تایبەت بە ئاوەڕۆى بازاڕەکەیان بەکارهێناوە و پاشان تونێلێکى تریان بۆ ناو دوکانەکە لێداوە، بەگشتى 500 مەتر بە تونێلدا ڕۆیشتوون تا گەیشتوون بە تونێلەکە. . شەماڵ بێوار وتى "چۆنیەتى دزیکردنەکە و قەبارەى دزیەکە پێشتر لە کوردستان نەبووە، ئەمان لەژێر زەوییەوە دزیەکەیان کردووە، بەبێ ئەوەى لەهیچ کامێرایەک دەرکەوتبن". https://www.youtube.com/watch?v=agFbmIZY9pc بەوتەى بەرپرسانى سۆران، دزەکان ماوەى زیاتر لە 10 ڕۆژیان پێچووە بۆ ئەنجامدانى ئەو تاوانە، بەو پێیەى ڕوبەرێکى زۆریان هەڵکەندووە تا گەیشتوون بەدوکانەکە، هەروەها چینێکى ئەستۆرى شیش و پۆڵای چواردەورى قاسەى دوکانەکەیان بڕیوە. . "سنورى لێکۆڵینەوەکانمان زۆر فراوانکردووە و ئیشى زۆرمان کردووە، بەڵام ئیش لەسەر گومان ناکرێت، لەگەڵ ئەوەشدا ئێمە گومان لەداروبەرد دەکەین، ئەگەر وا نەبێت ناگەینە ئەنجام، بۆ ئەوەش خەریکى کۆکردنەوەى بەڵگەین"، وتەبێژى پۆلیسى سۆران وایوت. . پاراستنى ئاسایشى بازاڕى سۆران نزیکەى ساڵێکە لەدەست پۆلیسى سۆران نەماوە و دراوەتە کۆمپانیایەکى بوارى سکیوریتى، وتەبێژى پۆلیسى سۆران وتى، "لێکۆڵینەوەکانمان زۆر زۆر فراوانکردووە و بەردەوامن، کۆڵنادەین تا دەگەین بە ئەنجام، دەبێت ڕونکردنەوەیەک هەر هەبێت و نابێت شتەکان هەروا بە ناڕونى بمێننەوە".