گه‌ڕان

Shadow Shadow
سیاسه‌تی

ئەمریکا کوژرانى دوو سەربازى لە چیای قەرەچۆخ ڕاگەیاند

2020.03.09 - 17:17
App store icon Play store icon Play store icon
ئەمریکا کوژرانى دوو سەربازى لە چیای قەرەچۆخ ڕاگەیاند

کەناڵی ناس کورد لە تێلیگرام جۆین بکە   

ناس کورد- فەرماندەى ناوەندى هێزەکانى ئەمریکا کوژرانى دوو سەربازى ڕاگەیاند لە چیای قەرەچۆخ لە ناوەڕاستى باکورى عێراق. . فەرماندەییەکە لە ڕاگەیەنراوێکدا ڕایگەیاند، ئەو دوو سەربازە هاوڕێیەتى هێزە ئەمنییەکانى عێراقیان کردووە لە ئەرکێکدا کە تێیدا داعش بە ئامانج گیراوە. . ئاماژەى بەوەشکردووە، دوو سەربازەکە لەلایەن "دژومنەوە" کوژراون، ناسنامەکانیشیان بڵاوناکرێتەوە تا خانەوادەکانیان ئاگاداردەکرێنەوە. . گیان لەدەستدانى ئەو دوو سەربازە لە میانەى ئۆپراسیۆنێکى گەورەى هاوپەیمانان بووە کە شەوى ڕابردوو بەرێوەچوو  بۆ سەر چەند بارەگایەکی داعش لە چیای قەرەچوغ لە سنوری کەرکوک کە بە بەشداری فڕۆکەی جەنگی ئەنجامدراوە. . پێشتر جەبار یاوەر، ئەمینداری گشتی وەزارەتی پێشمەرگە بە ناس کوردی ڕاگەیاندبوو، ”ئێوارەى دوێنێ هێزەکانی هاوپەیمانان ئۆپراسیۆنێکیان لە چیای قەرەچوغ لە سنوری پارێزگای کەرکوک ئەنجامداوە و فڕۆکەی جەنگیشیان بەکارهێناوە، بەڵام ئێمە وەک هێزەکانی پێشمەرگە پێشتر ئاگادار نەکراوینەتەوە لە ئۆپراسیۆنەکە”. . دەربارەی ئەوەی هێزێکی دژە تیرۆر لە سلێمانییەوە چوبێتنە کەرکوک بەو بۆنەیەوە، یاوەر ئاماژەی بەوەکرد :”ڕاستە هێزێکی دژە تیرۆر لە سلێمانییەوە چوونەتە کەرکوک، بەڵام نەچوونەتە چیای قەرەچوغ و نازانین هەماهەنگییەکەی دژە تیرۆر و هاوپەیمانان چۆن بووە”.