گه‌ڕان

Shadow Shadow
سیاسه‌تی

لە کەربەلا سزای ئەو کەسانە دیاری کرا کە خۆیان لە کەرەنتینە دەدزنەوە

2020.03.07 - 18:28
App store icon Play store icon Play store icon
لە کەربەلا سزای ئەو کەسانە دیاری کرا کە خۆیان لە کەرەنتینە دەدزنەوە

کەناڵی ناس کورد لە تێلیگرام جۆین بکە   

ناس کورد- شانەى بەرەنگاربونەوەى ڤایرۆسى کۆرۆنا لە پارێزگاى کەربەلا بڕیاریدا ئەو کەسانەی لە ئێرانەوە بەدزییەوە دەگەڕێنەوە یاخود زانیارى گەشتەکانیان دەشارنەوە بەپێى یاسا سزایان بدات بەشێوەیەک کە پێنج ساڵ زیندانیە. . ئەمڕۆ شەممە، 7ی ئازاری 2020، شانەکە لە ڕاگەیەندراوێکدا بڵاویکردەوە، بڕیاریان داوە پێشوازى لە سەرجەم ئەو خێزان و کەسانە بکەن کە لە ئێرانەوە دەگەڕێنەوە و ماوەى 14 ڕۆژ لە چەند هۆتێلدا کەرەنتینە دەکرێن کە لەلایەن حکومەتى ناوخۆیى پارێزگاکەوە دابینکراوە. . ڕونیشکراوەتەوە، هەر هاوڵاتیەک زانیارى لەسەر گەشتکردنى بۆ ئێران بشارێتەوە و بە دزیەوە بگەڕێتەوە ئەوا ڕوبەڕوى یاسا دەکرێتەوە، چونکە بەو کارەى تەندروستى خێزانەکەى و کۆمەڵگاش دەخاتە مەترسیەوە. . شانەى بەرەنگاربونەوەى ڤایرۆسى کۆرۆنا هۆشداریش دەدات لەوەى کە سزاى ئەو جۆرە کەسانە دەگاتە پێنج ساڵ زیندانیکردن. . بەپێى دواین ئامار دوو توشبوى ڤایرۆسى کۆرۆنا لەشارى کەربەلا هەیە کە یەکیان ژنێک بوو گیانى لەدەستدا، هەروەها کۆى گشتى توشبووان لە عێراق 48 توشبوو هەن کە بەم شێوەیەن، "بەغدا: 19، سلێمانى: 8، کەرکوک: 7، نەجەف: 4، واست: 3، دیالە: 2، کەربەلا و هەریەکە لە میسان و بابل و هەولێر یەک توشبوو". . سەبارەت بە ژمارەى ئەوانەى گیانیان لەدەستداوە، چوار کەسن، دوو کەس لە بەغدا و هەریەکە لە سلێمانی و کەبەرلاش یەک کەس.