گه‌ڕان

Shadow Shadow
سیاسه‌تی

ناوەکانى پێشوو بۆ سەرۆکوەزیران ڕەتدەکەینەوە

خۆپیشاندەرانى تەحریر داواى دەستوەردانى ئەفسەرە نیشتیمانییەکان دەکەن

2020.03.06 - 23:29
App store icon Play store icon Play store icon
خۆپیشاندەرانى تەحریر داواى دەستوەردانى  ئەفسەرە نیشتیمانییەکان  دەکەن

کەناڵی ناس کورد لە تێلیگرام جۆین بکە   

ناس کورد- خۆپیشاندەرانى گۆڕەپانى تەحریر لەشارى بەغدا لەبەیاننامەیەکدا سەرجەم ئەو ناوانە ڕەتدەکەنەوە کە پێشتریش باس کراون بۆ پۆستى سەرۆکوەزیران، داواش لە "ئەفسەرە نیشتیمانییەکان" دەکەن، دەستوەردان بکەن بۆ پاراستنى خۆپیشاندەران. . خۆپیشاندەرانى تەحریر لەبەیاننامەکەیاندا ئاماژەیان بەوەداوە، "کوتلە سیاسیەکان بەردەوامن لە پەیڕەوکردنى سیاسەتى دابەشکارى لە دەوڵەت و سەروەت و سامانەکەیدا و داواکاریى خۆپیشاندەرانیان بۆ ڕاستکردنەوەى ڕێچکەى پرۆسەى سیاسى و کۆتایى هێنان بە دابەشکارى تاییفى و ڕێکەوتنى هێزەکان کە خزمەتى بەرژەوەندیە تەسکەکانیان دەکات لەسەر حسابى پەرژەوەندى وڵات، پشتگوێخستوە". . ڕونیشکراوەتەوە، "بەردەوام دەبین لە شۆڕشەکەمان تا ئەو داواکاریانە بەدیدەهێنین کە لەسەرەتاوە دامانناوە، تەئکیدیش دەکەینەوە دژى هەر هەوڵێک دەوەستینەوە کە دەدرێن بۆ پێشکەشکردنى ئەو ناوانەى پێشتر لە مەیدانەکانى خۆپیشاندەرانەوە بۆ پۆستى سەرۆک وەزیران ڕەتکرانەوە". . خۆپیشاندەران تەئکیدیش دەکەنەوە، ئەم قۆناغە پێویستى بە بونى سەرۆک وەزیرانێکە کە بەڵێنى ئەوە بدات داواکاریەکانى شۆڕش جێبەجێ بکات، ئەویش بە ئامادەکارى بۆ هەڵبژاردنى پێشوەخت لە کەمترین ماوەدا کە تا کۆتایى ئەمساڵە، هەروەها ئاسایش بسەپێنرێت و چەک تەنها بەدەستى دەوڵەتەوە بێت و بکوژانى خۆپیشاندەران بدرێنە دادگا بۆ ئەوەى سزاى خۆیان وەرگرن، هەروەها پێویستە پەرلەمان یاساى هەڵبژاردنەکان تەواو بکات و ئامادەکارى بکات بۆ هەڵوەشانەوەى خۆى و ئەنجامدانى هەڵبژاردنى پێشوەخت. . خۆپیشاندەرانى تەحریر داواش دەکەن بۆ بە ئارامى هێشتنەوەى خۆپیشاندانەکان و گۆڕەپانەکان ئەفسەرە نیشتمانیەکانى وەزارەتى بەرگرى دەستوەردانى ڕاستەوخۆ بکەن بۆ پاراستنى خۆپیشاندەران و گۆڕەپانەکانى خۆپیشاندان، ئەوەش دواى ئەوەى چەندین ڕوداوى ڕفاندن و سەرکوتکردن ڕویداوە و وەزارەتى ناوخۆ کە تایبەتمەندە بەپاراستنى ئاسایشى ناوخۆ هیچ ڕۆڵێکى لە مەیدانەکانى خۆپیشاندانەکان نەبووە.