بە فەرمی.. سوپای پاسداران ئەمریکا تۆمەتبار دەکات بە بڵاوکردنەوەى کۆرۆنا لە ئێران

کەناڵی ناس کورد لە تێلیگرام جۆین بکە   

ناس کورد- فەرماندەی سوپای پاسدارانى ئێران ویلایەتە یەکگرتووەکانی ئەمریکا تۆمەتبار دەکات بە بڵاوکردنەوەى ڤایرۆسی کۆرۆنا وەک چەکێکی بایەلۆژی لە دژی وڵاتەکەى. .

لە وتارێکیدا لە شاری پارێزگای کرمان، حسێن سەلامى، فەرماندەی سوپای پاسدارانى ئێران دەڵێت، وڵاتەکەى ڕوبەڕوی جەنگێکی بایەلۆژی بووەتەوە و داواشی لە هاوڵاتیان کرد "خۆڕاگر و ئارام بگرن."

. وتیشی، "سەردەکەوین بەسەر ئەم ڤایرۆسەدا کە وادیارە لە ئەنجامی هێرشی بایەلۆژی ئەمریکا هاتووەتە کایەوە، لە سەرەتادا لە چین دەستیپێکرد و دواتر گوازرایەوە بۆ ئێران و پاشانیش بۆ تەواوی وڵاتانی جیهان." . حسێن سەلامی چاوەڕێ دەکات زیانەکانی ڤایرۆسەکە لە ناوچەکانی جیهانەوە بگەڕێتەوە بۆ ئەمریکا. . لە ئێستادا ڤایرۆسەکە بە شێوەیەکی بەرچاو بڵاودەبێتەوە لە ئێران و تەواوی 31 پارێزگاکەى گرتووەتەوە، کۆی گشتی توشبووانی کۆرۆناش لە وڵاتەکە گەیشتە چوار هەزار و 747 کەس، 124 کەسیش بەهۆی ڤایرۆسەکەوە گیانیان لەدەستداوە. . هاوکات ئەندامێکی لیژنەى حکومەتی ئێران بۆ ڕوبەڕبوونەوەى کۆرۆنا دەڵێت، ڕەنگە لە دوو هەفتەى داهاتوودا 30 بۆ 40%ی دانیشتوانی تاران توشی ڤایرۆسی کۆرۆنا ببن بەهۆی قەرەباڵغی بنکە تەندروستییەکانەوە.