گه‌ڕان

Shadow Shadow
سیاسه‌تی

کەرەنتینەکردن چینى لەقۆناغى مەترسى تێپەڕاند

حاڵەتەکانى مردن و توشبون به‌ ڤایرۆسی كۆرۆنا کەمى کردووە

2020.03.05 - 10:11
App store icon Play store icon Play store icon
حاڵەتەکانى مردن و توشبون به‌ ڤایرۆسی كۆرۆنا کەمى کردووە

کەناڵی ناس کورد لە تێلیگرام جۆین بکە   

ناس كورد-  ژمارەى مردن بەهۆى کۆرۆناوە لەچین سێ هەزاری تێپەڕاند و بەگوێرەى ئامارەکانى حکومەت مردن و توشبون کەمبوەتەوە لەئێستادا حکومەتى چین ترسى لە هاوردەکردنى ڤایرۆسەکە بۆ ناو ئەو وڵاتە هەیە.  . لەبارەى ئاشکراکردنى ئەو ڕێوشوێنانەى حکومەتى چین بۆ ڕووبەڕبونەوەى ڤایرۆسى کۆرۆنا دەیگرێتە بەر، ئەمڕۆ (پێنجشەممە، 5ى ئادارى 2020)، نوێترین ئامار و پڕۆسەى ڕێوشوێنەکان له‌و وڵاته‌  ئاشکرا کرا. . بەپێى حکومەتى چین، ئەمڕۆ 31 کەسى تر بەهۆى ڤایرۆسەکەوە مردوون و بەوەش ئامارى ئەوانەى بەو هۆیەوە گیانیان لەدەستدا 3 هەزار کەسى تێپەڕاند و ژمارەیەکى کەمترى توشبوو به‌راورد به‌ مانگى ڕابردوو بەڤایرۆسەکە تۆمار کراوە. . بەپێى ئامارە فەرمییەکەى حکومەتى چین ژمارەى مردووان لەو کاتەوەى کە ڤایرۆسەکە لەشارى ووهان بڵاوبووەتەوە، گەیشتووەتە سێ هەزار و 102 کەس. . تەنها لەشارى ووهان دوو هەزار و 350 حاڵەتى مردن بەهۆى کۆرۆناوە تۆمار کراوە و شارەکەش لەناوچەکانى تر کەرەنتینە کراوە. . بەگوێرەى میدیاکانى ئەو وڵاتە چین سودى لە کەرەنتینە وەرگرتووە بۆ ڕێگریکردن لەزیاترى بڵاوبونەوەى ڤایرۆسەکە بەڵام لەئێستادا لەوە دەترسێت دووبارە ڤایرۆسەکەى لەلایەن گەشتیارانەوە بۆ بگەڕێتەوە بەتایبەت دواى ئەوەى لەنزیکەى 80 وڵاتدا بڵاوبووەتەوە و زیاتر لە 10 هەزار کەسیشى توش کردووە. .