گه‌ڕان

Shadow Shadow
سیاسه‌تی

 پێنج توشبوی ڤایرۆسی کۆرۆنا لە بەغدا چاکبونەوە

2020.03.04 - 17:11
App store icon Play store icon Play store icon
 پێنج توشبوی ڤایرۆسی کۆرۆنا لە بەغدا چاکبونەوە

کەناڵی ناس کورد لە تێلیگرام جۆین بکە   

 ناس كورد-  به‌ڕێوه‌بەری ته‌ندروستی ناوچه‌ى كه‌رخ له‌ به‌غدای پایتەخت ڕایگەیاند، پێنج له‌و توشبوانه‌ى ڤایرۆسى كۆرۆنا، كه لە شاری بەغدا ‌تۆماركرابوون، دۆخى ته‌ندروستییان جێگیربوه‌ و مه‌ترسیان لە سەر نەماوە. . ‌ چاسب له‌تیف، به‌ڕێوه‌به‌رى ته‌ندروستى ناوچه‌ی كه‌رخ لە شاری بەغدا، به‌ ئاژانسى هه‌واڵى عێراقییه‌ی فەرمی ‌ڕاگەیاند:" ئه‌و پێنج کەسەی کە توشی نەخۆشی كۆرۆنا بوون و له‌سنوری بەڕێوەبەرایەتییەکەمان تۆمار کرابوون، لە ئێستادا قۆناغى مه‌ترسییان تێپه‌ڕاندوه‌ و ته‌ندروستییان زۆرباشه"‌. . به‌ڕێوه‌به‌رى ته‌ندروستى ناوچه‌ی كه‌رخ ئەوەشی ڕوونکردەوە، ئه‌و پێنج كه‌سە‌ له‌ئێستادا له‌ جیاكه‌ره‌وه‌ى ته‌ندروستیدان، كه‌ بۆ توشبوانی ڤایرۆسەکە ئامادەکراوە. .  لەتیف، جەختی لەوەشکردەوە کە بارودۆخى ته‌ندروستى له‌ به‌ڕێوه‌به‌رایه‌تییه‌کەیان ‌له‌ژێر كۆنترۆڵدایه‌، تواناى پێشوازیكردنیان له‌ توشبوانى كۆرۆنا هه‌یه‌و ئاماده‌یه‌ بۆ وه‌رگرتنیان. .  پەرپرسە تەندروستییەکەی شاری بەغدا، ئاماژەی بەوەشکرد، کە دوو لەو پێنج کەسەی کە لە ئێستادا چاکبوونەتەوە ئافرەتن . .  لە سەرەتای ئەمساڵەوە نەخۆشی کۆرۆنا لە وڵاتی چین سەریهەڵدا بەهۆی تەشەنەی ڤایرۆسەکەوە ژمارەی قوربانیانی نەخۆشییەکە لە جیهاندا سێ هەزار کەسی تێپەراند و نزیکەی لە 100 هەزار کەسیش گیرۆدەی ڤایرۆسەکە بوون و لە81 وڵاتیش بڵاوبووەتەوە. .