وتیشی: "لە پرسی متمانەدان بە کابینەکەی محەمەد تۆفیق عەلاویدا پارتی لەڕێگەی نێچیرڤان بارزانییەوە هەموو هەوڵێکیدا کە گروپی 15 لاواز بکات و کردیشی، ئەویش لەڕێگەی حزبەکانەوە".
.
"گۆڕان و کۆمەڵ و یەکگرتوو و یەکێتی وەک حزب کەوتنەژێر کاریگەری پارتی و مەسعود بارزانی و ئەو پرسە دروست بوو کە لە بەرژەندی حزبەکان و دژی بەرژەوەندییەکانی هاووڵاتیانی هەرێم بوو، چونکە عەلاوی تەنها بە مەرجی ئەوەی کاندیدەکان سەربەخۆ بن، جێگرێکی سەرۆکوەزیرانی بۆ کورد زیاد کرد کە پلەی وەزیرە، بەڵام ئەوان ڕازی نەبوون و هەر ویستیان وەزیرەکان حزبی بن".
.
"پارتی موچەى خەڵکی هەرێمی دواخست"
ئاشکراشیکرد: "ئێستا گومانێکی زۆرمان هەیە کە پارتی لەڕێگەی فواد حسێنی وەزیری داراییەوە موچەی فەرمانبەرانی ڕاگرتبوو، بۆ ئەوەی وای نیشان بدەن کە ئەگەر وەزیری دارایی لای ئەوان نەبێت ئیتر بەغدا موچە نانێرێت و خەڵک بترسێنن، چونکە ئەو بەڕێوەبەر گشتییەی باسی دەکەن خۆ دەسەڵاتی لە وەزیر زیاتر نییە تا موچە ڕابگرێت".
.
"کار گەیشتە کۆمێنتی فەیسبوک"
وەک ئاماژەیەک بە دروستبوونی ناکۆکی لە نێوان ئەندامانی گروپی 15، لە پۆستێکی ڕێبوار کەریم مەحمود کە ئەندامێکی گروپەکەیە و باس لەوەدەکات کە بۆ بەرژەوەندی حزبی کابینەکە تێنەپەڕێندراوە، بەهار مەحمود بۆی نوسیوە: "خۆ تۆ هەر نەهاتبویت بۆ پەرلەمان دکتۆر هیوادارم باسی ئەوەش بکەیت".
لە بەرامبەردا ڕێبوار کەریم وەڵامی داوەتەوە و نوسیویەتی: "بەهار خان ڕاستەوخۆ ئەوەم وتووە کە نەچوم بۆ بەغدا، چونکە نامەوێ وەک تۆ کادرێکی پارتی کۆبونەوەم پێبکات".
.
بەهار مەحمودیش وەڵامی داوەتەوە نوسیویەتی: "کادری هیچ حیزبێک نەیتوانیوە و ناتوانێت کۆبوونەوە بە من بکات، بەڵام خۆم نادزمەوە لە بەرپرسیاریەتی بەرژەوەندی گشتیی لە کوێ بێت من لەوێم".
"دوای پارتی و یەکێتی نەکەوتووین"
لە بەرانبەردا بەهار مەحمود کە ئەندامێکی دیکەی گروپی 15یە و بەشداری دانیشتنەکەی نەکرد دەڵێت، هەموو پەرلەمانتارێک بڕیار و بۆچوونی تایبەت بەخۆی هەیە و ئەگەر بۆچوونەکانیان هاوشێوەی هی پارتی و یەکێتی بێت مانای ئەوە نییە دوای ئەوان کەوتبن، دەکرێت لە پرسی دیکەدا دژی پارتی و یەکێتی بوەستنەوە، بەڵام لەو پرسەدا هەڵوێستەکانیان هاوبەش بووە.
.
ئەو پەرلەمانتارە کوردە بە ناس کوردی وت: "ئەو پەرلەمانتارە کوردەشی کە دانیشتنی یەکەم بەشداریان کرد دانیشتنی دووەم بەشداریان نەکرد، ئیتر بۆ ڕەخنە لە ئێمە دەگرن لەسەر ئەوەی بەشداریمان نەکردووە".
.
بەهار مەحمود ڕونیکردەوە، عەلاوی سەرەتا هەندێک بڕیاریدا و پشتگیریان کردووە، بەڵام دواتر دەرکەوت کە دژی مافە دەستورییەکانی کوردە و بەڵێنەکانی نەبردەسەر، بۆیە لە دژی وەستاونەتەوە.
.
ئەو پەرلەمانتارە باسی لەوەشکرد، ئەو بۆچوونە جیاوازانە بە مانەی هەڵوەشاندنەوەی گروپی 15 نایەت و گروپەکە بۆ ئەوە دروست بووە کە پارتی و یەکێتی بەهۆی زۆری کورسییەکانیان سەرجەم بڕیارەکان قۆرخ نەکەن، ئێستاش ئەوان کاری هاوبەش پێکەوە دەکەن و دەکرێت لە هەندێک پرسیشدا بۆچوونی جیاوازیان هەبێت.
.
محەمەد تۆفیق عەلاوی، کاندیدی پێشووی ڕاسپێردراو بۆ پێکهێنانی کابینەی حکومەتی عێراق، بانگەشەی ئەوە دەکرد کە وەزیرەکانی کابینەکەی دەبیت سەربەخۆ بن و کەسانی حزبی نەبن، بەڵام بەهۆی پشتگیری نەکردنی زۆرێک لە لایەنە کوردییەکان و سونە و بەشێک لە شیعەکان نەیتوانی دەنگی پێویست بۆ متمانەدان بە کابینەکەی لە پەرلەمانی عێراق کۆبکاتەوە و بەناچاری کشایەوە.
