گه‌ڕان

Shadow Shadow
سیاسه‌تی

کۆرۆنا ئاهەنگەکەى ئەلیساى لەهەولێر هەڵوەشاندەوە

2020.03.01 - 22:57
App store icon Play store icon Play store icon
کۆرۆنا ئاهەنگەکەى ئەلیساى لەهەولێر هەڵوەشاندەوە

کەناڵی ناس کورد لە تێلیگرام جۆین بکە   

ناس کورد-   بەهۆى بڵاوبنەوەى ڤایرۆسى کۆرۆنا ئەو ئاهەنگەى بڕیاربوو هونەرمەندى ناسراوى لوبنانى "ئەلیسا" لە شارى هەولێر ئەنجامی بدات هەڵوەشایەوە.  . ئاژانسى هەواڵى عێراقیە لەزارى ڕێکخەرانى ئاهەنگەکەوە بڵاویکردەوە، ئاهەنگەکە دواخراوە ئەوەش بەهۆى ڕێوشوێنەکانى ئیدارەى هەرێمى کوردستان بۆ ڕێگەگرتن لە بڵاوبونەوەى ڤایرۆسى کۆرۆنا.   . به‌وته‌ی رێكخه‌رانی ئاهه‌نگه‌كه‌،بەسەیرکردنى بارودۆخى ئێستاى عێراق و پابەندبون بەڕێنماییەکانى حکومەتى هەرێم و وەزارەتى تەندروستى و ڕێکخراوى تەندروستى جیهانى هەروەها بۆ پاراستنى سەلامەتى هاووڵاتیان بەهۆى ڤایرۆسەکەوە ڕێنمایى دەرکراوە بۆ هەڵوەشاندنەوەى سەرجەم ئاهەنگ و بۆنەکان لە هەرێمى کوردستان.  . ئەمڕۆ (یه‌كشه‌ممه‌) چوار حاڵەتى توشبون بە ڤایرۆسى کۆرۆنا لەشارى سلێمانى  و دوو حاڵەت لە بەغدا تۆمار کران، بەوەش کۆى گشتى توشبوان لە عێڕاق گەیشتە 19 کەس کە سەرجەمیان لە کۆمارى ئیسلامى ئێرانەوە گەڕاونەتەوە، پێشتریش وەزارەتى تەندروستى و لایەنە پەیوەندیدارەکانى هەرێم چەندین ڕێنمایى و بڕیاریان بۆ ڕێگەگرتن لەبڵاوبونەوەى ڤایرۆسەکە دەرکرد کە یەکێک لەوانەش هەڵوەشانەوەى سەرجەم بۆنەو ئاهەنگەکان بوو.  .