گه‌ڕان

Shadow Shadow
سیاسه‌تی

دانیشتنی په‌رله‌مانی عێراق بۆ متمانه‌دان به‌ كابینه‌كه‌ی عه‌لاوی بۆ كاتێكی نادیار دواخرا

2020.03.01 - 17:26
App store icon Play store icon Play store icon
دانیشتنی په‌رله‌مانی عێراق بۆ متمانه‌دان به‌ كابینه‌كه‌ی عه‌لاوی بۆ كاتێكی نادیار دواخرا

کەناڵی ناس کورد لە تێلیگرام جۆین بکە   

ناس كورد- ته‌له‌فزیۆنی فه‌رمی عێراق رایگه‌یاند "دانیشتنی په‌رله‌مانی عێراق بۆ ده‌نگدان به‌ كابینه‌كه‌ی محه‌مه‌د تۆفیق عه‌لاوی، راسپێردراو بۆ پێكهێنانی حكومه‌تی نوێی عێراق بۆ كاتێكی نادیار دواخراوه‌ به‌هۆی ته‌واونه‌بوونی نیسابی یاساییه‌وه‌". . ئەمڕۆ (یەکشەممە) دانیشتنى پەرلەمانى عێراق بوو لەسەر تێپەڕاندنى کابنیەکەى عەلاوى بەڵام زۆرینەى کوتلە سیاسیەکان ئامادەى دانیشتنەکە نەبوون و ڕێژەى یاسایى تەواو نەبوو دواخر بۆ کاتژمێر شەش. . چەند سەرچاوەیەکیش لەناو پەرلەمانى عێڕاقەوە ئەوەیان ئاشکرا کردووە، بەشێک لە کوتلەکان ناڕازى بون لە هەندێک لەو کاندیدانەى بۆ وەزارەتەکان دانراون. . ئەمە سێیەم جارە کۆبوونەوەى پەرلەمانى عێراق بۆ متمانەدان بە کابینەکەى عەلاوى دوابخرێت بەهۆى تەواونەبوونى ڕێژەى یاسایی پەرلەمانتارانەوە. . ڕۆژى پێنجشەممەى ڕابردوو بڕیاربوو پەرلەمان بۆ دەنگدان لەسەر کابینەکە کۆبێتەوە، بەڵام بەهۆى تەواونەبوونى رێژەى یاسایی پەرلەمانتارانەوە کۆبوونەوەکە بۆ شەممە دواخرا، دواتریش لەسەر داواى عەلاوى کۆبوونەوەکە بۆ ئەمڕۆ (یەکشەممە) دواخرا، بەڵام ئەمڕۆش بەهۆى هەمان هۆکارەوە بۆ کاتژمێر شەشى ئێوارە دواخرا. .