گه‌ڕان

Shadow Shadow
سیاسه‌تی

پەنابەرێک لەکەمپەکانى یۆنانەوە بۆ ناس كورد: نزیکەى دە هەزار پەنابەر هاتونەتە سەر سنورەکانى یۆنان

2020.02.28 - 17:23
App store icon Play store icon Play store icon
پەنابەرێک لەکەمپەکانى یۆنانەوە بۆ ناس كورد: نزیکەى دە هەزار پەنابەر هاتونەتە سەر سنورەکانى یۆنان

کەناڵی ناس کورد لە تێلیگرام جۆین بکە   

ناس كورد-    دواى کردنەوەى  سنورەکانى تورکیا بەڕووى پەنابەراندا، ئەمڕۆ (هەینى) نزیکەى 10 هەزار پەنابەر گەیشتنە سنورەکانى یۆنان بۆ چوونە ناو ئەو وڵاتەشەوە ڕێگریان لێدەکرێت. . فەرهاد عەزیزى کە هاووڵاتیەکى کوردى ڕۆژهەڵاتى کوردستانە و لەئێستادا لەیەکێک لەکەمپەکانى یۆناندا پەنابەرە تایبەت بەناس کوردى ڕاگەیاند " دواى بڕیارى کردنەوەى سنورەکان بەڕووى ئاوارەکانى سوریا و وڵاتانى تر لەتورکیا لەلایەن ئەو وڵاتەوە نزیکەى دە هەزار پەنابەر لەدوینێوە گەیشتونەتە سەر سنورەکانى یۆنان". . وتیشى"لەئێستادا حکومەتى یۆنان بەهاوکارى یەکێتى ئەوروپا سنورەکانیان بەڕووى پەنابەراندا  داخستووە و ڕێگە نادەن ئەو پەنابەرانە بگەنە ناو خاکى یۆنان و دەیانەوێت بیانگەڕێننەوە". . ئەو پەنابەرە کوردەى کەمپەکانى یۆنان باسى لەوە کرد، زۆربەى پەنابەران دواى بڕیارەکەى تورکیا لەسنورە ئاوییەکانەوە گەیشتونەتە سنورەکانى یۆنان و جگە لەخەڵکى سوریا پەنابەرى دیکەى وڵاتیانیان تێدایە. . ئەوەش لەکاتێکدایە، دواى ئەوەى چەند سەربازێکى تورکیا لەلایەن سەربازانى سوپاى سوریاوە لەشارى ئیدلیبى سوریا کوژران و هێرشەکانى ئەو سوپایە بۆ سەر سەربازانى تورکیا لەو سنورەدا چڕ بوونەوە، حکومەتى تورکیا وەکو کارتێکى فشار جارێکى تر پەناى بردە بەر بەکارهێنانى دۆسیەى پەنابەران و سنورەکانى بەڕووى ئاوارە سورییەکانى ئەو وڵاتە کردەوە بۆ ئەوەى بگەنە ئەوروپا. . لەئێستاشدا کۆچى پەنابەران دەستیپێکردوه‌ و دەیانەوێت لەڕێگەى گەیشتنە یۆنانەوە بگەنە وڵاتانى ئەوروپا و ڕوداوەکەش کاردانەوەى نێودەوڵەتى لێکەوتوەتەوە و هەریەکە لەیەکێتى ئەوروپا و ناتۆ و چەند وڵات و دەزگایەکى ترى نێودەوڵەتى لەسەر ڕوداوەکە و بۆ ڕێگریکردن لەلێشاوى پەنابەران لەگەڵ تورکیادا لەسەر خەتن. .