گه‌ڕان

Shadow Shadow
سیاسه‌تی

موقتەدا سەدر دوو داوای جیاواز لە مەسعود بارزانی و شاسوار عەبدولواحید دەکات

2020.02.24 - 22:39
App store icon Play store icon Play store icon
موقتەدا سەدر دوو داوای جیاواز لە مەسعود بارزانی و شاسوار عەبدولواحید دەکات

کەناڵی ناس کورد لە تێلیگرام جۆین بکە   

ناس کورد- موقتەدا سەدر، ڕێبەری ڕەوتی سەدر دوو داوای جیاواز لە مەسعود بارزانی، سەرۆکى پارتی دیموکراتی کوردستان و و شاسوار عەبدولواحید، سەرۆکى جوڵانەوەى نەوەى نوێ دەکات. . ئەمڕۆ دووشەممە، 24ی شوباتی 2020، موقتەدا سەدر لە چاوپێکەوتنێکی تەلەفزیۆنیدا داوای لە مەسعود بارزانی کرد هاوسۆرزی بۆ ئەمریکییەکان دەرنەبڕێت چونکە "ئەوان بێسوود و داگیرکەرن." . هەروەها سەدر داوای لە بارزانی و لایەنە سونەکان کرد کە "وازبهێنن لە پشکپشکێنەى و دابەشکاری حزبی و بهێڵن حکومەتێکی باوکئاسا پێکبهێنرێت تاوەکو بەرژەوەندی هەموو لایەک بپارێزێت چونکە عێراق لە پێش هەموو شتێکەوەیە." . لە چاوپێکەوتنەکەدا سەدر داواشی لە شاسوار عەبدولواحید کرد بەردەوام بێت لە پشتگیری و ئەنجامدانی خۆپیشاندانەکان چونکە " بەرپرسانی کوردیش گەندەڵن و هاوشێوەی بەغدا و باشوری عێراق، گەندەڵیش لە هەرێمی کوردستان هەیە." . لە وەڵامی پرسیاری ئایا هێزەکانی پێشمەرگە میلشیان یان نا، سەدر لە وەڵامی دا وتی، "بەڵێ میلشیان وەک چۆن سەرایا سەلام (باڵی سەربازی سەد) و حەشدی شەعبی و هەموو هێزەکانی تریش میلشیان." . پێشکەشکارەکە وتی کە لە دەستوردا هێزەکانی پێشمەرگە بە "پاسەوانی هەرێم" ناوبراون، سەدر وتی، "نەخێر، پێشمەرگەش میلشیایە و پێویستە سەرجەم هێزەکانی دەرەوەى حکومەت  هەڵبوەشێنرێتەوە." . ئاماژەى بەوەشکرد، پێویستە یەک دەزگای سەربازیی یەکگرتوو کە پێکهاتبێت لە سوپا و پۆلیس لە سەرتاسەری عێراق هەبن و تەنها ئەوان پاسەوانی خەڵک و حکومەتی عێراق بکەن.