گه‌ڕان

Shadow Shadow
سیاسه‌تی

ئیمامی شاری قوم: ترەمپ دەیەوێت بە کۆرۆنا شارەکەمان وێران بکات

2020.02.23 - 13:40
App store icon Play store icon Play store icon
ئیمامی شاری قوم: ترەمپ دەیەوێت بە کۆرۆنا شارەکەمان وێران بکات

کەناڵی ناس کورد لە تێلیگرام جۆین بکە   

ناس کورد-   نوێنەرى ڕابەرى باڵاى ئێران و ئیمامى شارى قوم ڕایگەیاند، ترەمپ تۆمەتباردەکات بە بڵاوکردنەوەی ڤایرۆسی کۆرۆنا لە ئێران و هاوکات بەرپرسانى ئارامگە ئاینیەکەش ئامادەنین ئارامگەکە بۆ ڕێگرى لەبڵاوبونەوەى کۆرۆنا دابخەن. ، ئایەتوڵا محمەد سەعیدى ئیمامى قوم و نوێنەرى، ئایەتوڵا عەلى خامنەى ڕابەرى باڵاى شۆڕشى ئێران ڕایگەیاند: "ترەمپى شەڕەنگیز و قێزەون بەبیانوى سەرهەڵدانى کۆرۆناوە دەیەوێت شارستانیەت و دڵسۆزى خەڵکى قوم وێران بکات". ، ئاماژەی بەوەشکردووە: " دوژمن دەیەوێت لەڕێگەى سود وەرگرتن لەو بارودۆخە دڵەڕاوکێ بخاتە دڵى خەڵکى قومەوەو وەکو شارێکى ناجێگیر و نائاسایش پیشانیبدات و تۆڵەى هەموو شکستەکانى خۆى لەقوم بکاتەوە". ، نوێنەرەکەى ئایەتولا خامنەى لەشارەکە دەشڵێت: " ترەمپى خائین و سیخوڕە ناوخۆییەکان ئارەزووى شکستى قوم دەبەنەوە ژێر گڵ". ، دواى بڵاوبونەوەى ڤایرۆسى کۆرۆنا لەشارى قوم و مردنى چەند کەس و توشبوونى چەند کەسێکى تر بەنەخۆشیەکە بەو هۆیەوە، داوا کرا ئارامگاى ئیمامى قوم لەشارەکە بۆ ڕێگریکردن لەبڵاوبونەوەى ڤایرۆسەکە بۆ ماوەیەک دابخرێت، بەڵام بەرپرسانى شارەکە ڕەتیانکردەوە، لەو بارەیەوە، عەلى ئەکبەر حوسێنى، بەڕێوەبەرى ئارامگەکە بەمیدیاکانى وتووە: " داخستنى ئارامگەکە چ پێویستیەکە..؟ دەبێت خەڵکى خۆیان بپارێزن".