گه‌ڕان

Shadow Shadow
سیاسه‌تی

ئاوی دوكان لێڵ بووە

بەڕێوەبەرایەتی ئاوی سلێمانی: زۆربەی گەڕەكەكان بێ ئاو دەبن

2019.04.03 - 09:02
App store icon Play store icon Play store icon
بەڕێوەبەرایەتی ئاوی سلێمانی: زۆربەی گەڕەكەكان بێ ئاو دەبن

کەناڵی ناس کورد لە تێلیگرام جۆین بکە   

ناس كورد-

بەهۆی لێڵ بوونی ئاوی دوكان، زۆربەی گەڕەكەكانی شاری سلێمانی بێ‌ ئاو دەبن و داوا لەهاووڵاتیان دەكرێت ئاگاداربن و دەست بە ئاوەوە بگرن.

لەراگەیەندراوێكی بەڕێوەبەرایەتی ئاوی سلێمانی، كە وێنەیەكی دەست (ناس كورد) كەوتووە، هاتووە " بەهۆی لێڵ بوونی ئاوی دوكانەوە پڕۆژەی ئاوی دوكان– سلێمانی، هێڵی دوو وەستاوە، بەو هۆیەشەوە زۆربەی گەڕەكەكانی شاری سلێمانی و قەزا و ناحیەكانی چەمچەماڵ و شۆڕش و تەكێ و بازیان و پیرەمەگرون و ئەڵڵایی ئاویان نابێت".

بەپێی راگەیەندراوەكە "نەبوونی ئاو لەو گەڕەك و ناوچانە تا ئاسایی بوونەوەی رەنگی ئاوەكە بەردەوام دەبێت".

داواش لەهاووڵاتیان كراوە ئاگاداربن و دەست بەئاوەوە بگرن.

چەند رۆژێكە باران بارینێكی بەخوڕ ڕووی لە هەرێمی كوردستان كردووە لە هەندێك ناوچە بووەتە هۆی دروستبوونی لافاو، هەروەها بەنداوی دوكان دوێنێ (سێشەممە) بەتەواوی پڕبوو و سەرڕێژی كرد، ئەمەش بووەتە هۆی لێڵ بوونی ئاوەكە.