کەناڵی ناس کورد لە تێلیگرام جۆین بکە
ناس کورد- بەرپرسێکی تۆڕی ڕاگەیاندنی عێراق توشبوونی بەرپرسێکی پێشووی عێراقی بە ڤایرۆسی کۆرۆنا ئاشکرا کرد. . ئەمین ناسر، بەڕێوەبەری نوسینگەی تۆڕی ڕاگەیاندنی عێراق لە بەیروت لە تویتێکیدا دەڵێت، "ماجد نەسراوی، پارێزگاری پێشووی بەسرە لە ئوستوڕاڵیا توشی ڤایرۆسی کۆرۆنا بووە." . دەشڵێت، " شایەنی باسە نەسراوی لە عێراقی هەڵهاتووە بەهۆی تێوەگلانی لە کەیسی گەندەڵی گەورە." . ئەمین ناسر هیچ زانیارییەکی تری ئاشکرا نەکردووە و تائێستاش وەزارەتى تەندروستی عێراق هیچ ڕوونکردنەوەیەکی نەداوە لەو بارەیەوە.
ماجد مەهدی عەبدولعەباس نەسراوی لە ساڵی 1966 لە بەسرە لەدایکبووە و دەرچووی کۆلێژی پزیشکی زانکۆی بەسرەیە، ئەندامی ئەنجومەنی باڵای ئیسلامی شیعی بووە و سەر بە عەمار حەکیم بوو، ساڵی 2013 و لەدوای هەڵبژاردنەکانی ئەنجومەنی پارێزگاکان کرایە پارێزگاری بەسرە.
لەدوای دەرچوونی فەرمانی دەستگیرکردن بۆ خۆی و کوڕەکەى لەسەر کەیسی وەرگرتنی بەرتیل و گرێبەستی گەندەڵی، هەردووکیان لەڕێگای ئێرانەوە بەرەو ئوستوڕاڵیا هەڵهاتن.
