کەناڵی ناس کورد لە تێلیگرام جۆین بکە
ناس کورد-
میدیاکانی جەزائیر بڵاویان کردۆتەوە، عەبدولعەزیز بۆتەفلیقە دەستلەکارکێشانەوەی لە پۆستەکەی پێشکەش بە ئەنجومەنی دەستوری وڵاتەکەی کردووە.
بە گوێرەی ئەو هەواڵانەی میدیا جەزائیرییەکان بڵاویان کردۆتەوە لە ئێستادا ئەنجومەنی دەستوری جەزائیر لە کۆبوونەوەدایە بۆ تاووتوێکردنی دەستلەکارکێشانەوەکەی بۆتەفلیقە.
ئەو دەستلەکارکێشانەوەی سەرۆککۆماری جەزائیر لە کاتێکدایە پێشتر ڕایگەیاندبوو بەر لە کۆتاییهاتنی وادەی یاسایی خۆی دەستلەکاردەکێشێتەوە کە 28ی نیسانی ئەمساڵ بوو.
چالاکوانانی جەزائیر دەستلەکارکێشانەوەی بۆتەفلیقە بە دەستکەوتی خۆپیشاندانەکانی ئەو وڵاتە دەزانن، کە ماوەی چەند هەفتەیەکە درێژەی هەیە.
