گه‌ڕان

Shadow Shadow

10 کۆڵبەری کورد بوونە قوربانی تەقەی هێزە ئەمنییەکانی ئێران

2020.02.17 - 09:39
App store icon Play store icon Play store icon
10 کۆڵبەری کورد بوونە قوربانی تەقەی هێزە ئەمنییەکانی ئێران

کەناڵی ناس کورد لە تێلیگرام جۆین بکە   

ناس کورد- شەوی ڕابردوو بە تەقەی هێزە ئەمنییەکانی ئێران کۆڵبەرێکی ڕۆژهەڵاتی کوردستان گیانیلەدەستدا و نۆ کەسی دیکەش برینداربوون.  . ڕێکخراوی هەنگاو بۆ مافەکانی مرۆڤ بڵاویکردەوە، شەوی ڕابردوو هیزە ئەمنییەکانی ئێران لە بەرزاییەکانی سنوری شۆشمێی شاری نەوسودی سەر بە پارێزگای کرماشان تەقەیان لە ژمارەیەک کۆڵبەر کردووە و بەهۆیەوە  کۆڵبەرێک گیانیلەدەستداوە و نۆ کۆڵبەری دیکەش بریندار بوون. . ئەو کۆڵبەرەی گیانیلەدەستداوە تەمەنی 24 ساڵە و خەڵکی گوندی دشە سەر بە شاری پاوە بەناوی (ئەحمەد سەحرایی) کە دوای ئەوەی بەسەختی بریندار بووە و گوازراوەتەوە بۆ نەخۆشخانە بەهۆی سەختی برینەکەیەوە گیانیلەدەستداوە. . کۆڵبەری یەکێکە لەو کارانەی بەشێک لە هاووڵاتیانی ناوچە سنورییەکانی ڕۆژهەڵاتی کوردستان بۆ بەدەستهێنانی بژێوی ژیانیان پێوەی سەرقاڵن، بەڵام زۆرجار دەبنە ئامانجی هێزە ئەمنییەکانی ئێران و دەبنە قوربانی یاخود لە وەرزی زستاندا و بەهۆی سەرما و بارینی بەفری زۆرەوە ڕەقدەبنەوە کە تەنها لە وەرزی زستانی ئەمساڵدا چوار کۆڵبەر ڕەقبوونەتەوە و گیانیانلەدەستداوە.  .