گه‌ڕان

Shadow Shadow

زریانى بەفر و سەرما بەردەوامەو چەندین وڵاتى ئەوروپاى هەراسان کردووە

2020.02.11 - 17:18
App store icon Play store icon Play store icon
زریانى بەفر و سەرما بەردەوامەو چەندین وڵاتى ئەوروپاى هەراسان کردووە

کەناڵی ناس کورد لە تێلیگرام جۆین بکە   

ناس کورد-   لەماوەى چەند رۆژى رابردوودا زریانى "کیارا" وڵاتانى باکورى خۆرئاواى ئەوروپاى گرتوەتەوەو سەدان گەشتى ئاسمانى پەکخستوە، ئەوەش سەرەڕاى پەکخستنى شەمەندەفەرەکان و هۆکارەکانى ترى گواستنەوەو دواخستنى سەرجەم چالاکیە وەرزشیەکان لەچەندین وڵات. ، بەهۆى زریانەکەوە 42 کەرتى شارى پاریسى فەرەنسا پلەى ئاگاداریان بەرز کردوەتەوەو بۆ رەنگى پرتەقاڵى، داواش لە هاوڵاتیان کراوە کە دوربکەونەوە لە ناوچە دارستانیەکان و کەنارەکان، ئەوەش بەهۆى بەرزى شەپۆلى دەریاکانەوە کە بەهۆى زریانەکەوە دروستبون. ، لەلایەکى ترەوە لە بەریتانیا کە زەرەرمەندترین وڵاتى ئەوروپایە، سەرجەم گەشتە ئاسمانى و وشکانى و دەریاییەکان وەستێنراون، چونکە خێرایى ڕەشەبا 130 کیلۆمەترە لە کاتژمێرێکدا، بەهۆى ئەوەشەوە دەستەى ژینگەى بەریتانى پلەى ئاگادارى گەیاندوەتە رەنگى سور بەتایبەتى لە ئینگلتەراو وێڵز. ، دەستەکە پێشبینى ئەوەش دەکات کە دانیشتوان ڕوبەڕوى زیان ببنەوە، ئەوەش بەهۆى پاشماوە تێکشکاوەکانەوە کە لافاو و زریان لەگەڵ خۆیدا دەیبات. ، تائێستا تەنها لە بەریتانیا 92 هەزار ماڵ بێ کارەبا بوون و ئاوەڕۆکان پڕبوون، تەنها لە بەریتانیا دەیان گەشتى ئاسمانى دواخراون، سەرەڕاى ئەوەش چەندین یارى تۆپى پێ لەو وڵاتە دواخراون ئەوەش سەرەڕاى یاریەکانى رێکبى و ئەسپ سوارى و چەندین جۆر چالاکى وەرزشى تر. ، لە ئێرلەنداش پلەى ئاگادارى گەیشتوەتە رەنگى پرتەڤاڵى و کارەبا لە 10 هەزار ماڵ و دەیان کۆمپانیا بڕدراوە. ، لە وڵاتى بەلجیکاش نزیکەى 60 گەشتى ئاسمانى تەنها لە برۆکسل دواخراوەو فڕۆکەوانى فرانکفۆرت و میونخ و کۆلۆنیا و هانوڤەرى ئەڵمانیاش سەرجەم گەشتەکانین هەڵوەشاندوەتەوە. ، بەپێى راپۆرتى رۆژنامەکانى ئەوروپا کیارا زەرەرو زیانێکى مادى زۆرى لە وڵاتەکانى باکورى خۆرئاواى ئەوروپا داوە. ، هەرێمی کوردستانیش بەدەر نەبووە لە شەپۆلی سەرما و  بەهۆی دابەزینی پلەکانی گەرمی بەشێوەیەکی بەرچاو، حکومەتی هەرێم ئەمڕۆ سێشەممەی لەسەرجەم دامودەزگا حکومییەکان کردە پشووی فەرمی.