گه‌ڕان

Shadow Shadow

گروپێکی چەکدار کاروانی کۆمپانیایەکی سەر بە سوپای ئەمریکای لە نزیک بەغدا كرده‌ ئامانج

2020.02.11 - 14:58
App store icon Play store icon Play store icon
گروپێکی چەکدار کاروانی کۆمپانیایەکی سەر بە سوپای ئەمریکای لە نزیک بەغدا كرده‌ ئامانج

کەناڵی ناس کورد لە تێلیگرام جۆین بکە   

ناس کورد- شانەی ڕاگەیاندنی ئەمنی عێراق ڕایگەیاند، گروپێکی چەکدار کاروانێکی کۆمپانیایەکی ئەمنی کە لە عێراق کاردەکات کردووەتە ئامانج، لە ئاکامیشدا ئۆتۆمبێلێکی ئەو کۆمپانیایە سوتاوە.  . بەگوێرەی ڕاگەیه‌ندراوێکی شانەی ئەمنی عێراق، دوێنێ (دووشەممە)، لە ناوچەی"عیدوانییە" گروپێکی چەکدارهێرشی کردوەتە سەر کاروانێکی کۆمپانیایەکی ئەمنی کە کاری گواستنەوەی ئازوقە دەکات بۆ سوپای ئەمریکا لە عێراق.  .  ئاماژە بەوەشکراوە، هێرشەکە لەسەر ڕێگای نێودەوڵەتی بەغدا و ناوچەی" عیدوانییە" ڕویداوە کە دەکەوێتە باشوری بەغدای پایتەختەوە. هێرشەکە زیانی گیانی نەبوو بەڵکو تەنها ئۆتۆمبێلێکی بارهەڵگری کۆمپانیاکە سوتاوە.  . دوای ئاڵۆزبوونی پەیوەندییەکانی ئێران و ئەمریکا، ڕۆژ بەڕۆژ هەڕەشەی گروپە چه‌كداره‌كانی سه‌ر به‌  ئێران لە عێراق دژ بە بەرژەوەندییەکانی ئەمریکا لە ناوچەکەدا لەهەڵکشاندایە، بە تایبەتی دوای كوژرانی قاسم سولەیمانی، فەرماندەی سوپای قودسی ئێران و ئەبو مەهدی موهەندیس، جێگری دەستەی حەشدی شەعبی لە سەرەتای مانگی کانونی دوەمی ڕابردودا لە نزیک فڕۆکەخانەی نێودەوڵەتی بەغدا.  .