گه‌ڕان

Shadow Shadow

شارەوانى سلێمانى هۆکارى لابردنى زیادەڕەوییەکانى سەهۆڵەکەی ئاشكراكرد

2020.02.09 - 17:32
App store icon Play store icon Play store icon
شارەوانى سلێمانى هۆکارى لابردنى  زیادەڕەوییەکانى  سەهۆڵەکەی ئاشكراكرد

کەناڵی ناس کورد لە تێلیگرام جۆین بکە   

ناس کورد-   شارەوانى سلێمانى ڕایگەیاند، هەڵمەتى لابردنى عەرەبانە و دەستگێڕەکانى شارەوانى، بۆ لابردنى "زیادەڕۆییە" و پەیوەندى به‌ هۆکارى حزبى و سیاسییەوە نییە. . پێشنیوەڕۆی ئەمڕۆ (یه‌كشه‌ممه‌) شارەوانی سلێمانی هەڵمەتێکی لابردنی زیادەڕەوی بۆ شەقامی "سەهۆڵەکە"ی سلێمانی دەستپێکرد و سەرجەم عەرەبانە و دەستگێڕەکانى لابرد. . زەردەشت ڕەفیق، وتەبێژى شارەوانى سلێمانى بە ناس کوردی ڕاگەیاند "بەشى زیادەڕەوى شارەوانی چەند ڕۆژێک لەمەوبەر سەرجەم خاوەن عەرەبانە و ئەو شوێنانەى کە چادریان داناوە ئاگادارکردوەتەوە کە بونەتە گرفتى هاتووچۆ لەو شەقامەدا و شێوازێکى ناشرینى بەخشیووەتە شەقامەکە و گلەیى لای هاووڵاتیانیش دروستکردووە". . وتیشی"ئەمڕۆش بەشى زیادەڕەویى بەهاوکارى بەشى ئامێرەکان و پۆلیسى شارەوانى هەڵمەتێکیان بۆ لابردنى ئەو زیادەڕەوییانە ئەنجامدا و هەروەها لیژنەکانى قایمقامیش بەشدار بوون کە هەندێ خواردنى خراپیش لەو شوێنانەدا هەبووە". . لەوەڵامى ئەوەى ئەو هەڵمەتە پەیوەندى بە پرسى سیاسیەوە نییە بەتایبەت کە بووەتە شوێنى کۆبوونەوەی چالاکوانان، وتەبێژی شارەوانی سلێمانی وتى "گرتنى شەقامەکان بەراورد بە ساڵانى ڕابردوو بەڕادەیەکی زۆر زیادیکردووە و پەیوەندى بە بابەتى سیاسی و دەستوەردانى حزبییەوە نییە". .