گه‌ڕان

Shadow Shadow

سەرکردەیەکی فەتح مەرجی بارزانی و پارتی بۆ پشتگیری لە محەمەد عەلاوی ئاشکرا دەکات

2020.02.09 - 11:50
سەرکردەیەکی فەتح مەرجی  بارزانی و پارتی  بۆ پشتگیری لە محەمەد عەلاوی ئاشکرا دەکات
ناس کورد- سەرکردەیەکی هاوپەیمانی فەتح لە پەرلەمانی عێراق ئاشکرایکرد، پارتی دیموکراتی کوردستان مەرجی چوونەدەرەوەى هێزەکانی حەشدی شەعبی لە پارێزگای نەینەوای کردووەتە مەرج بۆ پشتگیریکردنی حکومەتەکەى محەمەد عەلاوی. . ئەمڕۆ یەکشەممە، 9ی شوباتی 2020، حەنین قدۆ، سەرکردە لە هاوپەیمانی فەتحی هادی عامری ڕایگەیاند، "پارتی بە سەرۆکایەتى مەسعود بارزانی و بە پشتگیری و هەوڵی ئەمریکا دەیەوێت هێزەکانی حەشدی شەعبی لە نەینەوا دەربکات، هەڵمەتێکی میدیایی چەواشەکاریشی دەستپێکردووە بۆئەوەى بگەڕێتەوە دەشتی نەینەوا و بەرەى چەپی پارێزگاکە و دەست بەسەر سەروەت و سامانی پارێزگای نەینەوا و دەشتەکەیدا بگرێت." . دەشڵێت، "پارتی دەیەوێت بارەگای حزبی لە پارێزگا دابنێت و چاودێری ئەوانەش بکات کە بیرۆکەى لکاندی بەرەى چەپی موسڵ بە هەرێمی کوردستانەوە ڕەت دەکەنەوە." . ئاماژەى بەوەشکرد، "پارتی دیموکراتی کوردستان هەوڵ دەدات بارودۆخی سەخت و خراپی ئێستا و لاوازی حکومەتی کاربەڕێکەری عێراق بقۆزێتەوە، هەروەها دەیەوێت بەربژێری نوێ بۆ سەرۆکوەزیرانی عێراق بەکاربهێنێت و پشتگیریکردنی ببەستێتەوە بۆ دەرکردنی هێزەکانی حەشد لە پارێزگای نەینەوا وەک هەنگاوی یەکەم بۆ گەڕانەوەى هێزەکانی ئاسایش و پێشمەرگە بۆ ناوچەکە." . قدۆ دەشڵێت، "ئەو حزبە لەڕێگەی بەکارهێنانی توانا و ئامێر و سیخورەکانی دەستیکردوە بە دانانی کاریگەری لەسەر ڕای گشتی لەڕێگای میدیایەکی چەواشەکار و درۆ کە هیچ بنەمایەکی ڕاستی تێدا نییە لەپێناوی ناشرینکردن و سوکایەتی بە حەشدی شەعبی."