گه‌ڕان

Shadow Shadow

ژمارەى مردووان و توشبووان هەڵکشاوە

دوایین نەخشەى کۆرۆنا لەسەر ئاستى جیهان چووەتە قۆناغێکى مەترسیدار

2020.02.08 - 11:56
App store icon Play store icon Play store icon
دوایین نەخشەى کۆرۆنا لەسەر ئاستى جیهان  چووەتە قۆناغێکى مەترسیدار

کەناڵی ناس کورد لە تێلیگرام جۆین بکە   

ناس کورد-   بڵاوبوونەوەى ڤایرۆسى کۆرۆنا لەجیهاندا چووەتە "قۆناغێکى مەترسیدارەوە"، ژمارەى توشبووان و ئەو کەسانەى بەهۆیەوە گیانیانلەدەستداوە بەرزبووەتەوە. . بەپێى نوێترین ئامار کە ئاژانسى هەواڵى فەڕەنسى بڵاویکردووەتەوە، ڤایرۆسەکە لەکاتى سەرهەڵدانیەوە تاوەکو ئەمڕۆ ڕۆژى شەممە، 717 کەسى کوشتووە و زیاتر لە 30 هەزار کەسیش لە چین گیرۆدەى بوون. . لەدەرەوەى چینیش نزیکەى 300 کەس تووشى ڤایرۆسەکە بوون کە دابەشدەبنە سەر 30 وڵاتى جیهاندا. . چـین ڕێژەى توشبووان لەسەرتاسەرى چیندا گەیشتووەتە، 31 هەزار و 161 کەس و 636 کەسیش لەو ژمارەیە بەو هۆیەوە گیانیانلەدەستداوە کە زۆربەى خەلکى ناوچەى وەهان و دەوروبەرى بوون. . لەهۆنگ کۆنگ 24 کەس توشى ڤایرۆسەکە بوون و یەکیکان گیانیلەدەستدا، زۆربەى ئەوانەش سەردانى شارى ووهانی چینیان کردبوو. هەروەها لەماکاو 10 حاڵەت ئەلتبێت یەک توشبوو هەن. . ئاسیا و زەریاى هادى لە ژاپۆن 86 کەس توشبوون کە 61 کەسیان کەشتیوانى گەشتیارین لەدایمۆند پرێنسس. . لەکۆریاى باشور 24 کەس و لەتایوان 16 کەس توشبوون. . باشورى ڕۆژهەڵاتى ئاسیا سەنگاپورە 30 کەس، تایلەند 25 کەس، ڤیتنام 12 کەس ، مالیزیا 14 کەس، فلپین 3 کەس و یەکێکیان گیانى لەدەستداوە، کەمبۆدیاش 1 کەس توشى ڤایرۆسەکە بوون. . باشورى ئاسيا هیندستان 3 کەس و نیپاڵ و سریلانکا یەک کەس توشبوون. . ئوسترالیا 15 کەس کەزۆربەیان سەردانى شارى وەهان و ناوچەى هۆباى چینیان کردووە توشبوون. . ئەمریکا و کەنەدا ئەمریکا کەسێک گیانى لەدەستدا و 12 توشبووى تر هەیە و لەکەنەداش 5 توشبوو هەیە. . ئەوروپا ئەڵمانیا 14 توشبوو هەیە و فەرەنسا 6 کەس و ئیتاڵیا 2 کەس و بەلجیکا و ئیسپانیا و فینلەندا و سوید کەسێک تووشى ڤایرۆسەکە بووە، بەریتانیاش 3 کەس توشبوون. . ڕوسیا دوو کەس و ئیماراتى عەرەبیش 7 کەس توشى ڤایرۆسەکە بوون.