گه‌ڕان

Shadow Shadow
سیاسه‌تی

ئێستا بە هۆش خۆم هاتوومەتەوە

بوكەكەی داعش داوای لێبوردن دەكات

2019.04.02 - 11:10
بوكەكەی داعش داوای لێبوردن دەكات

ناس كورد-

شەمیمە بیگوم ناسراو بە (بوكی داعش) لەنوێترین چاوپێكەوتنیدا پەشیمانی خۆی لەئەندامبوون لەرێكخراوی داعش رادەگەیەنێت و دەڵێت "ئێستا بەهۆش خۆم هاتوومەتەوە".
شەمیمە بیگوم لەچاوپێكەوتنێكی لەگەڵ رۆژنامەی (تایمز)ی بەریتانی دان بەوەدا دەنێت كە فریو دراوە و خۆی وتەنی "مێشكیان شۆردۆتەوە" و تووشی رێكخراوی داعشیان كردووە.

لەمیانەی چاوپێكەوتنەكەدا شەمیمە روونیدەكاتەوە، تەمەنی 19 ساڵ بووە و لەساڵی 2015دا درۆ لەگەڵ خێزانەكەی دەكات بۆ ئەوەی بچێتە سوریا و بە خێزانەكەی وتووە لەگەڵ هاوڕێكانی لە قوتابخانە دەچێتە گەشتێكی زانستی، بەڵام ئەو بەرەو توركیا دەڕوات و لە وێشەوە دەچێتە ناو سوریا و پەیوەندی بەرێكخراوی داعشەوە دەكات.

لەچاوپێكەوتنەكەی تایمزدا، شەمیمە پەشیمانی خۆی دەردەبڕێت لەپەیوەندیكردن بە رێكخراوی داعش و داوای لێبووردن دەكات و تكا لەحكومەتی بەریتانیا دەكات چانسێكی تری بدەنێ‌ بۆ ئەوەی خۆی وتەنی "سەرلەنوێ‌ دەستبكاتەوە بە ژیانێكی نوێ‌".

شەمیمە دەڵێت "فریویاندام و مێشكیان شۆردمەوە، باوەڕم بە قسەكانیان هێنا زۆر داوی لێبوردن دەكەم".

جەختیش لەسەر ئەوە دەكاتەوە، لەرابردودا هەرچییەكی وتبێت لەژێر فشاردا وتوویەتی و دەڵێت "چیم وتبێت لەژێر فشاردا وتومە چونكە دەترسام ژنەكانی داعش لە كەمپەكەدا خێوەتگەكەم بسوتێنن و كوڕە ساوەكەم بكوژن".


شەمیمە دوای رادستكردنی خۆی بە هێزەكانی سوریای دیموكرات (هەسەدە) لەناو ئەو كەمپەی كە بۆ هەڵهاتووەكانی داعش لە باغوز تەرخانكرا بوو نیشتەجێكرا و هەر لەو كەمپەدا و لەچاوپێكەوتنێكیدا لەگەڵ یەكێك لەمیدیاكان وتبووی "پەشیمان نیم لەچوونە ناو داعش". ئەمەش بووە هۆی ئەوەی حكومەتی بەریتانیا كاردانەوەی هەبێت و ڕەگەزنامەكەی لێ‌ وەربگرێتەوە .

ئێستا شەمیمە بیگوم لەژێر دەسەڵاتی هێزەكانی هەسەدە لە سوریا لەیەكێك لەكەمپەكان نیشتەجێیە و لە ئەنجامی نەبوونی خزمەتگوزاری پزیشكی منداڵە ساواكەشی لەدەستدا و داوا لە حكومەتی بەریتانیا دەكات لێیخۆش بێت بۆ ئەوەی بگەڕێتەوە بۆ لای خێزانەكەی لەو وڵاتە.

رۆژی 9ی ئاداری 2019 مستەفا بالێ وتەبێژی ناوەندی راگەیاندنی هەسەدە گیانلەدەستدانی منداڵەكەی شەمیمەی راگەیاند.