گه‌ڕان

Shadow Shadow

كوژراو و بریندار هه‌یه‌

هێزێكی چه‌كداری ڕه‌وتی سه‌دڕ هێرشیان کردە سەر خۆپیشاندەرانی نه‌جه‌ف

2020.02.05 - 18:55
App store icon Play store icon Play store icon
هێزێكی چه‌كداری  ڕه‌وتی سه‌دڕ هێرشیان کردە سەر خۆپیشاندەرانی نه‌جه‌ف

کەناڵی ناس کورد لە تێلیگرام جۆین بکە   

ناس کورد– له‌شاری نه‌جه‌ف هێزێكی چه‌كدار كه‌ به‌وته‌ی خۆپیشانده‌ران سه‌ر به‌ ڕه‌وتی سه‌دڕن، هێرشیان كرده‌ سه‌ر خۆپیشانده‌رانی گۆڕه‌پانی سه‌دڕه‌ینی شاری نه‌جه‌ف و له‌ ئه‌نجامدا 3 خۆپیشانده‌ر كوژران و 11 خۆپیشانده‌ری تر بریندار بوون. . ئێوارەی ئەمڕۆ (چوارشەممە، 5ی شوباتی 2020)،  هێزێكی چه‌كدار كه‌ به‌وته‌ی خۆپیشانده‌ران سه‌ر به‌ ڕه‌وتی سه‌دڕن هێرشیان كرده‌ سه‌ر خۆپیشانده‌رانی گۆڕه‌پانی سه‌دڕه‌ین له‌ شاری نه‌جه‌ف. . به‌گوێره‌ی میدیاكانی عێراق "له‌ئێستادا هێزه‌ چه‌كداره‌كه‌ و خۆپیشانده‌ران روبه‌ڕوی یه‌ك وه‌ستاونه‌ته‌وه‌ و پێكدادان له‌نێوانیان به‌رده‌وامه‌". . میدیاكانی عێراق رونیانكرده‌وه‌ "له‌ پێكدادانه‌كه‌دا 3 خۆپیشانده‌ر كوژراوه‌ و 11 خۆپیشانده‌ری تر بریندار بوون كه‌ برینه‌كانیان سه‌خته‌ و به‌ گوله‌ برینداركراوون و ره‌وانه‌ی نه‌خۆشخانه‌ كراوون بۆ چاره‌سه‌ركردن". . هاوكات هەر ئەمڕۆ ژمارەیەک چەکدار هێرشیان کردە سەر خۆپیشاندەرانی دیوانیە و بەسڕە و بەشێک لە خێمە و چادری مانەوەی خۆپیشاندەرانیان سوتاند. . پێشتریش بەشێک لەلایەنگرانی سەدڕ کە بەکڵاو شینەکان ناسراوبوون هێرشیان کردە سەر خۆپیشاندەرانی بەغداد و بەشێکی زۆری گۆڕەپانی تەحریریان بە خۆپیشاندەران چۆڵکرد و دواتریش سەدر فەرمانی کرد کە بکشێنەوە. .