گه‌ڕان

Shadow Shadow

سێ چەکدارەکە کورد بوون

کاتژمێر دووی شەو سێ چەکدار بە ئۆتۆمبێلێکی جام ڕەش هەوڵی ڕفاندنی ژنێک دەدەن لە سلێمانی

2020.02.04 - 20:43
کاتژمێر دووی شەو سێ چەکدار بە ئۆتۆمبێلێکی جام ڕەش هەوڵی ڕفاندنی ژنێک دەدەن لە سلێمانی
ناس کورد- کاتژمێر 2:00ی شەو، لە گەڕەکی سەرچناری شاری سلێمانی سێ چەکداری بە ڕەگەز کورد بە ئۆتۆمبێلێکی جام ڕەشەوە هەوڵی ڕفاندنی ژنێک دەدەن، پۆلیسی سلێمانیش دەڵێت، ژنەکە پەیوەندی پێوەکردوون و تۆمەتبارەکانیان دەستگیرکردووە. . لە ڕاگەیەندراوێکدا بەڕێوەبەرایەتی پۆلیسی سلێمانی بڵاویکردەوە: "کاتژمێر 2:00ی شەوی بەرواری 2ی ئەم مانگە لە گەڕەکی سەرچناری شاری سلێمانی، ژنێکی بەڕەگەز عەرەب پەیوەندی بە بەشی پۆلیسی فریاكەوتنەوە کرد كە چەند كەسێك بە چەكەوە لە بەردەم ماڵەكەیدان و هەوڵی ڕفاندنی دەدەن". . ئاماژە بەوەشکراوە، دەستبەجێ چوونەتە شوێنی ڕووداوەکە و سێ تۆمەتباریان دەستگیرکردووە کە ئۆتۆمبێلێکی لاندکرۆزەری جام ڕەشیان پێبووە و لەكاتی دەستگیركردنیشیاندا دەستگیراوە بەسەر دوو ڕومانە و  سێ‌ چەك لە جۆرەكانی دوو كڵاشینكۆف و یەك دەمانچەو چەندین فیشەك . . لە راگەیەندراوەکەدا ئەوەش هاتووە، تۆمەتبارەکان بەڕەگەز کوردن و ناویان (د،ع ، ف) لەدایكبووی 1993 ،(أ ، د ، ك) لەدایكبووی 2002 و (ب ، ع ، ع) لەدایكبوی 1996. . بەگوێرەی ڕاگەیەندراوەکە، بەفەرمانی دادوەرو بەپێی ماددەی 421 لەیاسای سزادانی عێراقی تۆمەتباران ڕاگیراون و لەلایەن بنكەی پۆلیسی سەرچنارەوە پەڕاوی لێكۆڵینەوە بۆ تۆمەتباران كراوەتەوە و لێكۆڵینەوە لەگەڵیان بەردەوامە.