گه‌ڕان

Shadow Shadow

گرژییەکانى تورکیا و سوریا گەیشتە ئاستى پێکدادان

شەش سەربازى تورکیا کوژران و ئەردۆغانیش هەڕەشە دەکات

2020.02.03 - 19:15
شەش سەربازى تورکیا کوژران و ئەردۆغانیش هەڕەشە دەکات
ناس کورد – گرژییەکانى نێوان تورکیا و سوریا گەیشتە ئاستى پێکدادانى سەربازى و شەش سەربازى تورکیا بەهۆى هێرشێکى سوریاوە کوژران، ئەردۆغانیش هەڕەشەى توند دەکات. . دوانیوەڕۆی ئەمڕۆ سێشەممە، 3ی شوباتی 2020،  وەزارەتی بەرگری توركیا ڕایگەیاند، بەیانی ئەمڕۆ شەش سەربازیان لە ھێرشێكی سوپای سوریادا بۆ سەر خاڵێكی چاودێرییان لە دەوروبەری ئیدلب كوژراون و هەشت سەربازی دیكەشیان بەهۆی هەمان هێرشەوە برینداربوون. . ئاماژەی بەوەشکردووە، لە وەڵامى هێرشەکەدا گورزیان لە چەند ئامانجێك لە ئیدلب لە باكوری رۆژئاوای سوریا وەشاندووە، ئەوەش وەك "بەرگریكردنێكی رەوا لەخۆیان". . دوای ڕاگەیاندراوەکەی وەزارەتی بەرگری تورکیا، هەریەک لە خلوسی ئەکار، وەزیری بەرگری تورکیا و فەرماندەی سوپای تورکیا بەرەو سوریا بەڕێكه‌وتن بۆ لێکۆڵینەوە لە ڕوداوەکان و ئەگەر ئەوە هەیە بچنە دیمەشق بۆ کۆبونەوە لەگەڵ حکومەتی سوریا چونکە سەربازە تورکەکان لەبۆردومانی سوپای سوریادا کوژراون. . هەروەها رەجەب تەیب ئەردۆغان، سەرۆك كۆماری توركیا هەڕەشەیكرد و ڕایگەیاند "وەڵامێکی توندیان دەبێت بۆ ئەو هێرشانەی لە ئیدلب دەكرێتە سەر هێزەكانمن و ئۆپەراسیۆنە سەربازییەكانمان لە سوریا بەردەوام دەبێت". . وتیشی "بەهۆی ئەو پێشهاتە خراپانەی سوریاوە نزیکەی ملیۆنێک هاوڵاتی سوری لە ئیدلب ئاوارەبوون و بەڕێکەوتوونن بەرەو سنورەکانی تورکیا". . بەپێی ئاژانسی ڕۆیتەرز، سوپای توركیا وەڵامی هێرشەكەی سوپای سوریای داوەتەوە و 40 پێگەی سوپای سوریایان كردووه‌تە ئامانج. . لەلایەکی دیکەوە ڕامی عەبدولرەحمان بەڕێوەبەری روانگەی سوری بۆ مافەکانی مرۆڤ بە کەناڵی "عەرەبییە حەدەس"ی  ڕاگەیاند "تورکیا داوای لە ڕوسیا کردووە لە بەرانبەر بێدەنگبوونیان لە هێرشەکانی سوریا بۆسەر ئیدلب، دەبێت هەردوو شاری کۆبانێ و عەین عیسایان رادەست بکات، بەڵام رووسەکان داواکەیان رەتکردووەتەوە، ئەمەش وای لە تورکەکان کردووە جارێکی تر خۆیان وەک پارێزەری خەڵکی مەدەنی لە ئیدلب نیشان بدەن و دژ بە هێرشەکانی سوریا بوەستنەوە".