گه‌ڕان

Shadow Shadow

دواى هەشت کاتژمێر ڕاگرتن، گەشتەکانى فڕۆکەخانەى سلێمانى دەستیانپێکردەوە

2020.02.01 - 11:59
App store icon Play store icon Play store icon
دواى هەشت کاتژمێر ڕاگرتن، گەشتەکانى فڕۆکەخانەى سلێمانى دەستیانپێکردەوە

کەناڵی ناس کورد لە تێلیگرام جۆین بکە   

ناس کورد-   سەرلەبەیانى ئەمڕۆ گەشتە ئاسمانییەکانى فڕۆکەخانەى سلێمانى دەستیانپێکردەوە، دواى ئەوەى بەهۆى خراپى کەشوهەواوە بۆ ماوەیەکى کاتى ڕاگیرابوون. . شەوى ڕابردوو شەپۆلێکى چڕى بەفربارین هەرێمى کوردستانى گرتەوە و بەفرێکى زۆر لە شارەجیاجیاکان لەناویاندا سلێمانى بارى، ئەوەش بەرپرسانى فرۆکەخانەى سلێمانى ناچارکرد لەکاتژمێر دووى بەرەبەیانى ئەمڕۆوە بڕیارى ڕاگرتنى گەشتەکان بدەن. . تاهیر عەبدوڵا بەڕێوەبەرى فڕۆکەخانەى نێودەوڵەتى سلێمانى بە ناس کوردى ڕاگەیاند "بەهۆى خراپى دۆخى کەشوهەواوە بەشێوەیەکى کاتى گەشتە ئاسمانییەکانمان ڕاگرت، کاتژمێر 10ى سەرلەبەیانى ئەمڕۆ دواى ئاسایی بوونەوەى ڕەوشى کەشوهەوا گەشتەکان دەستیانپێکردەوە". . بەپێی خشتەى گەشتەکانى فڕۆکەخانەى نێودەوڵەتى سلێمانى، ئەمڕۆ سێ گەشت لە فڕۆکەخانەکە ئەنجام دەدرێن و هیچ گەشتێک هەڵنەوەشێنراوەتەوە.