گه‌ڕان

Shadow Shadow

قایمقامیه‌تی سلێمانی چوار دوکانی ترى غاز فرۆشتنی داخست

2020.01.29 - 18:07
App store icon Play store icon Play store icon
قایمقامیه‌تی سلێمانی چوار دوکانی ترى غاز فرۆشتنی داخست

کەناڵی ناس کورد لە تێلیگرام جۆین بکە   

ناس كورد- لیژنه‌ هاوبه‌شه‌كانی قایمقامیه‌تی سلێمانی راگه‌یه‌ندراوێكی له‌باره‌ی داخستنی چوار دوكانی غازفڕۆشتن به‌هۆی "شاردنه‌وه‌ و گرانفڕۆشی"، بڵاوكرده‌وه‌. . به‌گوێره‌ی راگه‌یه‌ندراوێكی لیژنه‌ هاوبه‌شه‌كانی قایمقامیه‌تی سلێمانی"ئازاد نەبی، سەرۆکی لیژنەى یەکى سەربە لیژنە هاوبەشەکانی قائیمقامیەتی سلێمانی رایگەیاند: لەئەنجامی بەدواداچونی لیژنە هاوبەشەکان بۆ ئەو دوکان و شوێنانەى غازى ماڵان دەشارنە یاخود بەگران دەیفرۆشن، لە شەقامی مامە ڕیشە چوار دوکانى غاز فرۆشتن دادەخات". . به‌گوێره‌ی راگه‌یه‌ندراوه‌كه‌ "سه‌رۆكی لیژنه‌كه‌ ئاماژه‌ی به‌وه‌ كردوه‌  لەلایەن لیژنە هاوبەشەکانەوە کارگەکانی غازى ماڵان و تاک فڕۆشەکانی ئاگادار کراونەتەوە، لە شارى سلێمانی لەروى کەمییەتی و نرخەوە کێشە بۆ غاز دروست نەبوە، هەر شوێنێک غاز بشارێتەوە یاخود بە گرانتر لە نرخی ئاسایی خۆى بیفڕۆشێت روبەروى داخستن دەبێتەوە". . له‌ راگه‌یه‌ندراوه‌كه‌دا رونكراوه‌ته‌وه‌ "ئەو غازەى لەلایەن دوکاندارەکان شاردرابونەوە بە نرخی ئاسایی کە حەوت هەزار و (500) دینارە بەسەر هاوڵاتیاندا دابەش کراوە". .