گه‌ڕان

Shadow Shadow

ووهان.. لە شاری ترس و تارمایی چی ڕوودەدات؟

2020.01.28 - 19:35
App store icon Play store icon Play store icon
ووهان.. لە شاری ترس و تارمایی چی ڕوودەدات؟

کەناڵی ناس کورد لە تێلیگرام جۆین بکە   

ناس کورد- شەقامەكانی شاری ووهانی چینی چۆڵیەكی مەترسیداریان پێوە دیارەو ترس و تۆقینێكی زۆر لەناو هاوڵاتیاندا كە خۆیان لەماڵەكان و نەخۆشخانەكان خزاندوە بڵاوبوەتەوە، ئەوە بارودۆخی ئەو شارەیە كە ناوەندی كەرتی (خوبی)یەو دەكەوێتە ناوەڕاستی زەویە فراوانەكانی وڵاتی چین و سەرچاوەی بڵاوبونەوەی ڤایرۆسی كۆرۆنایە. ، ووهان تەنها مەترسی لەدڵی هاوڵاتیانی شارەكە و چیندا دروست نەكردووە، بەڵكو ترسی خستووەتە دڵی هەموو جیهانەوە، شیكەرەوەو خوێندكارێكی دكتۆرا كە بەرەگەز میسریەو لەو شارەیە دەڵێت، لەكۆتایی ساڵی رابردوودا دەزگا راگەیاندنەكانی چین هەواڵی ئەوەیان بڵاوكردەوە كە ڤایرۆسی مەترسیدار بڵاوبوەتەوە و نازانرێت چییە، بەڵام هەر زوو ئاشكرا كرا ڤایرۆسی كۆرۆنای نوێیە کە سەرچاوەكەی گۆشت و خوارنە دەریاییەكانە لە یەكێك لە ناوچەككانی ووهان كە بە (خانكۆ) ناسراوە. ، ئەو خوێندكارە دەشڵێت: "وردە وردە هەستمان بە گرتنەبەری هەندێك رێوشوێن كرد وەك پشكنینی هەڕەمەكی لەناو شەمەندەفەر و فڕۆكەخانەكان و دواتریش جیاكەرەوەی پزیشكی و دابڕاندن لەشارەكە راگەیەنراو هاتنە ناو ووهان و چونوە دەرەوەش لێی قەدەغەكراو سەرجەم هۆكارەكانی گواستنەوەی گشتی و دواتریش تایبەتی وەستێنران". ،

لەپڕدا سوپا بڵاوكرایەوە و هاتوچۆ قەدەغە كرا

، بەپێی گێڕانەوەكانی ئەو دكتۆرە كە زیاتر لە دوو ساڵە لە ووهان دەژی و قسەی بۆ ئاژانسی سکای نیوز کردووە، سوپا لەشەقامەكاندا بڵاوكراوتەوە ئەوەش لەپێناو رێگریكردن لە هاتنە ناوەوەو چونە دەرەوە لەشارەكە وەك هەوڵێك بۆ رێگریكردن لە بڵاوبونەوەی ڤایرۆسەكە كە سەرۆكی چین بە (شەیتان) وەسفی كرد. ، هاوکات جوڵە و هاتوچۆ لەهەموو كەسێك قەدەغەكراوە و  ئێستا هەمووان لەماڵەكانیاندان و ناچنە دەرەوە تەنها بۆ كڕینی پێویستییە سەرەكیەكان نەبێت.   ،

كات نەبوو بۆ ئامادەکاری

، ئەو شیكەرەوە میسریە ئەوەشی رونكردوەتەوە، ڤایرۆسەكە لەپڕدا چینی گرتەوەو كاتی پێویستی نەدا بە كەس بۆ ئامادەكاری، میسریەكانی ئەو شارەش كە زۆرینەیان شیكەرەوەن و لە زانكۆكان كار دەكەن بەهەمان شێوە هیچ ئامادەكاریەكان نەكردبوو. ، لە درێژەی گێڕانەوەکاندا خوێندکارە میسڕییەکە باس لەوەشدەکات: "سەرەتای بڵاوبونەوەی ڤایرۆسەكە هاوكات بوو لەگەڵ ئاهەنگەكانی ساڵی نوێی چینی، زۆرێك لە میسریەكان ئەو پشوەیان قۆستەوە كە بە كەرتە حكومیەكان درابوو ڕۆشتبونەوە بەوەش ژمارەی میسریەكان لەو شارە كەمتربونەوە، دابڕاندنەكە زۆر كتوپڕ بوو هەموو كەس نەیانتوانی خواردن و پێداویستی پزیشكی پێویست دابین بكەن، بەبێ‌ بەستنی كەمامە هاتوچۆكردن زۆر ئەستەمە، چەندین یاریدەدەری پزیشك ڤایرۆسەكەیان بۆ گوازراوەتەوەو تەنانەت پزیشكێكیش گیانی لەدەستداوە. ،

بارودۆخەكە بۆ هەندێك كەس قورسترە

،، "لە ووهان بارودۆخەكە بۆ ئەوانە قورسترە كە خێزانەكانیان لەگەڵ خۆیاندا بردوەو دابینكردنی پێداویستیەكان زۆر قورس بووە، زانكۆكان هەندێك پێداویستی خواردن دابین دەكەن ئەویش لەرێگەی ئەو فرۆشگایانەی هەیانە، بەڵام نرخەكەی سێ بۆ چوار هێندەی نرخی ئاساییە، چونكە چوونە ەرەوە و هێنانی هەر پێداویستییەك بۆ ناو ووهان مەترسی لەسەرە، فرۆشگاكانیش تەنها چوار بۆ پێنج كاتژمێر لەرۆژێكدا دەكرێنەوە"، ئەوەش بەشێك بوو لەو نەهامتییانەی ئەو خوێندكارە باسی دەكات. ، ئەو خوێندكارە داواش لەدەسەڵاتی وڵاتەكەی دەكات بەهانایانەوە بچن و لە ووهان دەریان بكەن كە ژمارەیەكی زۆر میسری تێدایە، ئەو داواكاریەشی لەكاتێكدایە كە زۆرینەی وڵاتانی جیهان داوای هاوڵاتیەكانیان لەو شارە دەكەنەوە، بەڵام دەسەڵاتدارانی چین رێگە نادەن هیچ كەسێك لەشارەکە دەربچێت و كەسیش بچێتە ناویەوە.