گه‌ڕان

Shadow Shadow

دوو ماتۆڕسوار 14 فیشەکیان دا لە ماڵمان .. پەروێز نیازی باسی ڕووداوی تەقەکردنەکە دەکات

2020.01.27 - 18:38
App store icon Play store icon Play store icon
 دوو ماتۆڕسوار 14 فیشەکیان دا لە ماڵمان .. پەروێز نیازی باسی ڕووداوی تەقەکردنەکە دەکات

کەناڵی ناس کورد لە تێلیگرام جۆین بکە   

شەوی ڕابردوو دوو چەکداری نەناسراو تەقەیان لە ماڵی بەرپرسێکی حوکمی کرد لە پارێزگای هەڵەبجە و پۆلیسیش لێکۆڵینەوە لە ڕوداوەکە دەکات. . شه‌وی‌ ڕابردوو لەلایەن دوو چەکداری نەناسراوەوە ته‌قه‌ له‌ماڵی‌ پەروێز نیازی به‌رێوبه‌ری‌ رۆشنبیری‌ پارێزگای‌ هه‌ڵه‌بجه‌ كراو چه‌كداره‌كان به‌ره‌و شوێنێكی‌ نادیار هه‌ڵهاتون و تاوه‌كو ئێستا هیچ كه‌سێك له‌سه‌ر ئه‌م ڕوداوه‌ ده‌ستگیرنه‌كراوه‌. . لەسەر ڕوداوەکە، پەروێز نیازی، به‌رێوەبه‌ری‌ ڕۆشنبیری‌ پارێزگای‌ هه‌ڵه‌بجه‌ بە ناس کوردی ڕاگەیاند: "شەوی ڕابردوو کاتژمێر 8:52 خولەک دوو چەکدار هاتنە گەڕەکەکامانەوە و دوای نزیک بونەوەیان لەماڵی ئێمە دەستیان بەتەقەکردن کردوە لەماڵی  ئێمە و لەدوای تەقەکردنەکەش ڕاستەوخۆ ئەو ناوچەیان جێهێشتوە". . نیازی باس لەوە کرد: "ئەو دوو چەکدارە نزیکەی حەوت فیشەکیان ناوە بە پەنجەرە و سەقفی ژوری میوانەکەمانەوە و دواتریش نزیکەی حەوت فیشەکی دیکەیان ناوە بە دەرگا و دیوار  گەراجی ماڵەکەمانەوە، بەڵام خۆشبەختانە ئێمە لەکاتی ڕوداوەکە سەلامەت بوین و هیچ کەسێکمان بریندار نەبوین تەنها ماڵەکەمان زیانی ماددی هەبووە". . نیازی وتیشی: "من گومانم لە هیچ کەسێک نییە لەسەر ڕوداوەکە و هیچ کێشەکیشم لەگەڵ هیچ کەسێک نییە و ئاگاداریش نیم کە کەسێک ناکۆکی هەبێت لەگەڵم، هەروەها دوای ڕوداوەکەش بە کەمتر لە پێنج خولەک هاتون و لێکۆڵینەوەیان لە ڕوداوەکە دەستپێکردوە". . هاوکات بەرزان محەمەد، وتەبێژی پۆلیسی پارێزگای هەڵەبجە ڕایگەیاندوە کە "ئه‌وه‌ی‌ ته‌قه‌كانی‌ له ‌ماڵی‌ په‌روێز نیازی كردووه‌ كردووه‌ ماتۆڕسوار بوون  و ماتۆرسکیلەکەیان بێ ژمارەبووە، بەڵام لێکۆڵینەوەکانیان بەردەوامە لە ڕوداوەکە و لەئەنجامی ڕوداوەکەش ئاگادارتان دەکەینەوە".