گه‌ڕان

Shadow Shadow

20 کەس گیانیانلەدەستداوە و 30 کەسیش لەژێر داروپەردودان

ژمارەى قوربانیانى بومەلەرزەکەى باکورى کوردستان بەرزبووەوە

2020.01.25 - 08:51
App store icon Play store icon Play store icon
ژمارەى قوربانیانى بومەلەرزەکەى باکورى کوردستان بەرزبووەوە

کەناڵی ناس کورد لە تێلیگرام جۆین بکە   

ناس کورد- وەزیرى تەندروستى تورکیا ڕایگەیاند، ژمارەى ئەو کەسانەى لەبومەلەرزەکەى شەوى ڕابردوودا گیانیانلەدەستداوە بۆ 20 کەس بەرزبووەتەوە و ترسیان لەبەرزبوونەوەى ژمارەکەش هەیە. . بەرەبەیانى ئەمڕۆ شەممە 25ى کانوونى دووەمى 2020، فەخرەدین قوجە وەزیرى تەندروستى تورکیا ڕایگەیاند، ژمارەى ئەو کەسانەى گیانیانلەدەستداوە بۆ 20 کەس بەرزبووەتەوە و بریندارەکانیش ژمارەیان 772 کەسن. https://twitter.com/AFADBaskanlik/status/1220936525577408512 ئاماژەى بۆ ئەوەشکردووە، پانزە کەس لەوانەى گیانیانلەدەستداوە خەڵکى ویلایەتى ئەزیغن و چوارى دیکەشیان خەڵکى ویلایەتى مەڵاتیەن کە نزیکن لەئەزیغەوە. . وەزیرى تەندروستى تورکیا ئەوەشى ڕونکردەوە، 551 کەس لەبریندارەکان لەئەزیغن و 14 کەسیان لەژێر چاودیرى وردان و 221 کەسیشیان خەڵکى ویلایەتى مەڵاتیەن. . قوجە وتیشى "نزیکەى 30 لەژێر پڕۆسەى ڕزگارکردندان و ترسیشمان لەوەیە قوربانیان بەرزبێتەوە". https://twitter.com/hmkhan85/status/1220937575688355840 شەوی ڕابردوو بومەلەرزەیەک بەگوڕى 6.8 پلەى ڕێختەر لەچەند ناوچەیەکى باکورى کوردستان ڕوویدا، بەپێى دەزگاى تایبەتمەندى ئەو وڵاتەش ئەو ناوچانە دەیانجار ڕووبەڕووى لەرینەوەى توند بەهۆى ئەو بومەلەرزەیەوە بوونەتەوە.