گه‌ڕان

Shadow Shadow

ئامادەن گفتوگۆ لەگەڵ بەغدا بکەن

واشنتن: بڕیاری پەرلەمانی عێراق بۆ دەرکردنی هێزەکانمان ئیلزامی نییە

2020.01.24 - 08:57
واشنتن: بڕیاری پەرلەمانی عێراق بۆ دەرکردنی هێزەکانمان ئیلزامی نییە
ناس کورد- نێردەى تایبەتى ئەمریکا لە سوریا ڕایگەیاند، لەدوای بڕیاری پەرلەمانی عێراق بۆ دەرکردنی هێزەکانی ئەمریکا لە عێراق، وڵاتەکەى دانوستان لەگەڵ بەرپرسانی عێراق دەکات لەو بارەیەوە. . جەیمس جێفری، نێردەى تایبەتی ئەمریکا لە سوریا ڕایگەیاند، "ئیدارەى ئەمریکا ئامادەیە گفتوگۆ لەگەڵ حکومەتی عێراقی بکات لەبارەى ڕۆڵی هێزەکانی هاوپەیمانان، بەڵام هێشتا مەترسی جارێکی تر گەڕانەوەى داعش هەیە." . لەبارەى بڕیارەکەى پەرلەمانی عێراقیش، جەمیس جێفری وتی کە "بڕیارەکەى پەرلەمان ناچاری نییە بۆ ئێمە، ڕێککەوتنی بوونی هێزەکانمان لە عێراق لەگەڵ حکومەتدا بووە" نەک پەرلەمان. . ڕاشیگەیاند، "بەهۆی گرژی و هەڕەشەکانی ئێران و میلشیا عێراقییەکانەوە کردە سەربازییەکانمان لە عێراق وەستاون و تەرکیزمان لەسەر پاراستنی هێزەکانە، هەوڵ دەدرێت لەڕێگەى گفتوگۆ و دانوستانەوە ئەو بابەتە لەگەل عێراق چارەسەربکرێت، کۆبوونەوەى سەرۆک ترەمپ لەگەڵ بەرهەم ساڵح، سەرۆککۆماری عێراقیش لە پەراوێزی کۆڕبەندی داڤۆس بە بەرهەم بووە لەو ڕووەوە." . لەلایەکی ترەوە تۆڕی هەواڵی فۆکس نیوزی ئەمریکی لە زاری چەند سەرچاوەیەکی سەربازیی پنتاگۆنەوە ڕایگەیاند کە "لەوانەیە هێزەکانی ئەمریکا سیستمی بەرگریی موشەکیی پاتریۆت لە بنکە سەربازییەکانیان لە ئەنبار و هەولێر دابنێن."