گه‌ڕان

Shadow Shadow

پەرلەمانتارێک داوای پەسەندکردنی پڕۆژەبڕیاری دامەزراندنی فەرمانبەران دەکات

2020.01.21 - 16:38
App store icon Play store icon Play store icon
پەرلەمانتارێک داوای پەسەندکردنی پڕۆژەبڕیاری دامەزراندنی فەرمانبەران دەکات

کەناڵی ناس کورد لە تێلیگرام جۆین بکە   

ناس کورد- ئەندامێکی فراکسیۆنی نەوەی نوێ و ئەندامی لیژنەی یاسایی پەرلەمانی کوردستان نوسراوێکی ئاڕاستەی سەرۆکایەتی لیژنەی یاسایی کردووە تاوەکو بەزووترین کات پەرلەمان خوێندنەوەی دووەم بۆ پڕۆژەبڕیاری فەرمانبەرانی گرێبەست بکات و دواتر دەنگ بە پڕۆژەکە بدات. . کاوە عەبدولقادر، ئەندامی فراکسیۆنی نەوەی نوێ نوسراوەکەى ئاڕاستەی سەرۆکایەتی لیژنەی یاسایی پەرلەمان کردووە و  داوای کردووە بە گوێرەی "بڕگەی یەکەمی مادەی 84 لە پەیڕەوی ناوخۆی پەرلەمانی کوردستان، پێویست بوو لە ماوەی 21 ڕۆژدا لیژنەی یاسایی ڕاپۆرتی خۆی سەبارەت بە پێشنیازی پڕۆژەبڕیارەکە ئاڕاستەی سەرۆکایەتی پەرلەمان بکات، بەڵام چەندین ڕۆژ بەسەر ئەو ماوەیەدا تێپەڕیوە و تائێستا ڕاپۆرتەکە ئامادەنەکراوە، کە ئەوەش پێچەوانەی پەیڕەوی ناوخۆی پەرلەمانە".   ئەو پەرلەمانتارەی نەوەی نوێ داوای لە لیژنەی یاسایی کردووە، کۆبوونەوەی لیژنەکە ڕێکخەن بۆ ئامادەکردنی ڕاپۆرت سەبارەت بە پێشنیازی پڕۆژەبڕیاری دامەزراندنی فەرمانبەرانی گرێبەست. . کاوە عەبدولقادر ڕونیشیکردووەتەوە، ناکرێت لیژنەی یاسایی پەرلەمانی کوردستان پێشێلی یاسا بکات. .   بەگوێرەی ئامارەکان، زیاتر لە 29 هەزار فەرمانبەری گرێبەست لە هەرێم هەن و لە ئێستادا داوای دامەزراندن دەکەن.