کەناڵی ناس کورد لە تێلیگرام جۆین بکە
ناس کورد- خۆپیشاندەرانى بەغدا و شارەکانى دیکەى عێراق، سەرەڕاى کەشێکى سارد و بارینى باران، چونەوە گۆڕەپانى خۆپیشاندانەکان و چەندین ڕێگەى سەرەکییان داخست و سورن لەسەر داواکارییەکانیان. . بەگوێره‌ی ئاژانسى هەواڵى فەرمى عێراقییە، خۆپیشاندەرانى بەغدا ئەمڕۆ (سێشەممە) چەندین پرد و شەقامیان داخستووە و لەسەر شەقامەکان ئاگریان کردووەتەوە. . ئاماژەى بەوەشکردووە، هەروەها خۆپیشاندەران ڕێگەى نێودەوڵەتى نێوان ناسریە و بەغدایان داخستووە، بەڵام لە ناسریە و شارۆچكه‌كانی دەوروبەرى بارودۆخ هێمنە و پرد و رێگە سەرەکییەکان کراوەن، جگە لەهەردوو پردى حەزارات و زەیتون.
.
هاوکات لە موسەنا، خۆپیشاندەران پردەکان و ڕێگا سەرەکییەکانیان داخستووە. لە نەجەف و دیوانیەش خۆپیشاندەران رێگا سەرەکییەکانیان داخستووە.
.
خۆپیشاندەران جەختدەکەنەوە تا داواکارییەکانیان جێبەجێنەکرێت دەست لە خۆپیشاندانەکانیان هەڵناگرن.
.
بەپێی ئەو وێنانەى دەست ناس کەوتووە دەردەکەوێت، کەشوهەواى سارد و بارینى باران خۆپیشاندەرانى سارد نەکردووەتەوە لە بەغدا و شارەکانى دیکەى باشورى عێراق.
.
خۆپیشاندەران لەناو شوێنى مانەوەیاندا ئامێرى تایبەت بە خۆگەرمکردنەوە بەکاردەهێنن و بەشێکیشیان جلوبەرگى تایبەتیان لەبەرکردووە تا سەرما و باران کاریگەرییان لێنەکات.
.
