گه‌ڕان

Shadow Shadow

سێ کەسی دیکەش برینداربوون

سلێمانى؛ سێ کەس لە ڕووداوێکى هاتوچۆدا گیانیان لەدەستدا

2020.01.20 - 21:50
App store icon Play store icon Play store icon
سلێمانى؛ سێ کەس لە ڕووداوێکى هاتوچۆدا گیانیان لەدەستدا

کەناڵی ناس کورد لە تێلیگرام جۆین بکە   

ناس کورد- لەڕووداوێكی هاتووچۆدا له‌سه‌ر ڕێگه‌ی سلێمانی-بازیان سێ كه‌س گیانیان له‌ده‌ستدا و سێ كه‌سی دیكه‌ش برینداربوون. . ڕادیۆى فەرمى هاتوچۆى سلێمانى بڵاویکردەوە، کەمێک لەمەوبەر ڕووداوێکی هاتووچۆ لە ڕێگەی بازیان- سلێمانی لەنێوان بارهەڵگرێکی فلات و ئۆتۆمبێلێکى جۆری نیسان سەنیدا ڕوویداوە. . ئاماژەى بەوەشکردووە، ئۆتۆمبێلە بارهەڵگرەكە بەئاراستەی سلێمانی رۆیشتووە و كۆنترۆڵی لەدەستداوە و  چووەتە سەر سایدی بەرامبەر، بەوهۆیەوە پێكدادان لەگەڵ ئۆتۆمبێلی نیسان سەنی دروستبووە. . ئەوەش خراوەتەڕوو، له‌و ڕووداوه‌دا سێ سەرنشینى ئۆتۆمبێلى نیسان سەنییەکە گیانیان له‌ده‌ستدا و سێ کەسی دیکەش بریندار بوون، كە سەرجەمیان ئەندامی یەك خێزانن. . ڕووداوەکانى هاتوچۆ بە هۆکارى دووەمى گیان لەدەستدان دادەنرێن لە هەرێمى کوردستان و بەهۆیەوە ساڵانە بەهەزاران کەس گیان لەدەستدەدەن و بریندار دەبن. . لەچەند رۆژى ڕابردووشدا چەندین ڕووداوى هاتوچۆ لە ناوچە جیاجیاکانى هەرێم ڕوویانداوە و بەهۆیەوە چەندین کەس گیانیان لەدەستداوە و برینداربوون.