گه‌ڕان

Shadow Shadow

دواى قسەکانى شاسوار عەبدولواحید

سێ پەرلەمانتارى نەوەى نوێ وازهێنانيان ڕاگەیاند

2020.01.20 - 16:35
App store icon Play store icon Play store icon
سێ پەرلەمانتارى نەوەى نوێ وازهێنانيان ڕاگەیاند

کەناڵی ناس کورد لە تێلیگرام جۆین بکە   

ناس کورد-   سێ پەرلەمانتارى فراکسیۆنى نەوەى لە پەرلەمانى کوردستان، بەفەرمى وازهێنانیان لە فراکسیۆن و جوڵانەوەکەیان ڕاگەیاند و جەختیانکردەوە لەمەودوا وەکو پەرلەمانتارى سەربەخۆ کاردەکەن. . هەر سێ پەرلەمانتارى فراکسیۆنى نەوەى نوێ کە پێکهاتوون لە دیارى ئەنوەر، سیروان بابان، مەم بورهان قانع لە ڕاگەیەنراوێکى هاوبەشدا ڕایانگەیاند "چەند مانگێكە بەهۆی بەلارێدابردنی فراكسیۆن و جوڵانەوەی "نەوەی نوێ‌"وە لەلایەن سەرۆكی جوڵانەوەكەوە، هیچ پەیوەندییەكمان بە فراكسیۆن و جوڵانەوەكەوە نەماوە، هەربۆیە لە ئێستاشەوە بە فەرمیی جیابونەوەی خۆمان رادەگەیەنین و وەكو پەرلەمانتاری سەربەخۆ لە پەرلەمانی كوردستان دەمێنینەوە". . وازهێنانى ئەو سێ پەرلەمانتارە لە فراکسیۆنى نەوەى نوێ دواى ئەوەهات کە شاسوار عەبدولواحید سەرۆکى جوڵانەوەى نەوەى نوێ ئەمڕۆ مۆڵەتى 48 کاتژمێرى بۆ ئەو پەرلەمانتارانە دیاریکرد، تا فۆرمى خانەنشینى پڕبکەنەوە، ئەگینا لە فراکسیۆنەکەیان دەردەکرێن. . ئەو سێ پەرلەمانتارە جەختیانکردووەتەوە، بە هەمو شێوەیەك موچەی خانەنشینیی پەرلەمانیی رەتدەكەنەوە، وەك ئەوەی بۆ پەرلەمانتاران بڕاوەتەوە و تەنانەت ئەگەر پێویست بێت ئامادەن دەستەبەرداری موچەی پارلەمانیش ببن. . ئەوەشیان خستووەتەڕوو "ئێمە خەڵكانێكین، پارەی خەڵكمان نەخواردوە و پارەی حكومەتیشمان لانییە (بەڵكو پارەیشمان لای حكومەتە) و موزایەدەش بەسەر دەنگدەران و هاوپیشە و خەڵكانی غەدرالێكراوی كوردستان-ەوە ناكەین".