ناس کورد-
بەهۆى بارینى بەفرێکى زۆرەوە، شەپۆلێکى سەرما و سۆڵەى سەخت باکورى کوردستانى گرتووەتەوە و پلەکانى گەرما بەڕێژەیەکى بەرچاو دابەزیون.
.
له‌شارى قارس پله‌كانی گه‌رما دابه‌زیوه بۆ 17 پله‌ی ژێر سفری سه‌دی، به‌ستنی ئاوی گه‌رمی به‌هه‌واداكراو دیمه‌نی جوان و سه‌نجڕاكێشی دروستكردووه، سه‌رڕووی چه‌م و رووباره‌كانی ناوچه‌كەش به‌ستویانه، ئەوەش بەپێی ئاژانسى ئەنادۆڵى تورکیا.
.
له گوندی كویوجوكی سه‌ربه شارۆچكه‌ی ئارپاچا سنوری پارێزگای قارس، هه‌ندێ له هاووڵاتیان ئه‌و كه‌شە سارده به كه‌یف خۆشی به‌سه‌ر ده‌به‌ن.
.
گوندنشینان ئاوی گه‌رم به هه‌وادا هه‌ڵده‌ده‌ن و ئاوه‌كه‌ش پێش ئه‌وه‌ی بگات به زه‌وی له هه‌وادا ده‌یبه‌ستێت، ئه‌ویش دیمه‌نی جوانی دروستكردووه.
.
یه‌كێك له دانیشتوانی گونده‌كه به‌ناوی ئه‌لیف كاپڵان، دەڵێت "ئه‌گه‌ر كه‌مێك له ده‌ره‌وه بمێنینه‌وه قژ و برژانگمان ده‌یبه‌ستێت. باشترین به‌ڵگه‌ش بۆ ئه‌وه به‌ستنی ئه‌و ئاوه گه‌رمه‌یه كه به هه‌وایدا ده‌كه‌ین و ده‌یبه‌ستێت".
.
