گه‌ڕان

Shadow Shadow

شەڕڤانانی هەسەدە لە چالاکییەکدا لە گرێ سپی ژمارەیەک چەکداری سوپای تورکیایان کوشت

2020.01.17 - 14:09
شەڕڤانانی هەسەدە لە چالاکییەکدا لە گرێ سپی ژمارەیەک چەکداری سوپای تورکیایان کوشت
ناس کورد- ، لە چالاکییەکی هێزەکانی سوریای دیموکراتدا لە شاری گرێ سپی، سێ سەربازی سوپای تورکیایان کوشت  وه‌زاره‌تی به‌رگری توركیاش کوژرانی سێ سەربازەکەی پشتڕاستکردەوە. ، ئاژانسی هاوار نیوزی سەر بە یەپەگە ڕایگەیاند: "شەڕڤانانی هێزەکانی سوریای دیموکرات لە شاری گرێ سپیی ڕۆژئاوای کوردستان کە لەلایەن سوپای تورکیاوە بەشێکی داگیرکراوە، چالاکییەکی سەرکەوتویان دژی سوپای تورکیا ئەنجامداوە". ، ئاماژەی بەوەشکردووە: "شەرڤانانی هەسەدە هێرشیان کردووەتە سەر ئۆتۆمبێلێکی سوپای داگیرکەری تورکیا لەنزیک شاری گرێ سپی و سێ سەربازی سوپای تورکیایان کوشتووە". ، هەروەها ئەمڕۆش میدیای فەرمی حکومەتی تورکیا لە زاری وەزارەتی بەرگری تورکیاوە کوژرانی سێ سەربازەکەیانی پشتڕاستکردەوە و ڕایگەیاند: "له‌ ئاكامی ته‌قینه‌وه‌یەکدا له‌كاتی كۆنترۆڵكردنی رێگاوباندا، سێ سه‌ربازمان گیانیان لەدەستداوە". ، ئەمەش لەکاتێکدایە لە سەرەتای مانگی ئۆکتۆبەری ساڵی ڕابردووەوە سوپای تورکیا بە هاوپەیمانی ژمارەیەک گروپی چەکداری سوری هێرشێکی داگیرکارانەیان کردە سەر ڕۆژئاوای کوردستان  و شاری سەرێ کانی و گری سپییان داگیرکرد و شەڕڤانانی هەسەدە و یەپەگەش ئۆپراسیۆنێکی بەرگریکاریان دەستپێکرد و لەوکاتەشەوە سەدان سەربازی سوپای تورکیا و سەدان چەکداری سەربەو وڵاتە کوژراون.