گه‌ڕان

Shadow Shadow

مەسرور بارزانی لەبارەی یاسای چاکسازییەوە دڵنیایی بە موچەخۆرانی هەرێم دەدات

2020.01.16 - 20:36
App store icon Play store icon Play store icon
مەسرور بارزانی لەبارەی یاسای چاکسازییەوە دڵنیایی بە موچەخۆرانی هەرێم دەدات

کەناڵی ناس کورد لە تێلیگرام جۆین بکە   

ناس کورد- ، لەدوای پەسەندکردنی پڕۆژەیاسای چاکسازی لە پەرلەمانی کوردستان، لە پەیامێکدا، مەسرور بارزانی ڕایگەیاند: "هاوولاتییان دڵنیا دەکەینەوە کە دەقی کۆتایی یاساکە دڵنیایی گرنگی تێدایە سەبارەت بە مووچە وئیمتیازاتەکانی فەرمانبەر و مووچەخۆران". ، مەسرور بارزانی، سەرۆکی حکومەتی هەرێمی کوردستان لە پەیامێکدا لەبارەی پەسندکردنی پرۆژەیاسای چاکسازییەوە لە پەرلەمانی کوردستان ڕایگەیاند: "دەستخۆشی لە پەرلەمانی کوردستان دەکەم بۆ پەسەندکردنی پڕۆژە یاسای چاکسازی، ئەمە هەنگاوێکی مێژووییە بەرەو کوردستانێکی بەهێزتر". ، ئاماژەی بەوەشکرد: "ئەم پرۆژەیە بەشێکی گرنگی کارنامەی کابینەی نۆیەمی حکومەتی هەرێمی کوردستان بوو بۆ وەڵامدانەوەی خواست و داوای هاووڵاتییانی هەرێمی کوردستان بۆ ئەنجامدانی چاکسازی، ئامانجیش رێکخستنەوەی خەرجییە گشتییەکان و هێنانەدی دادپەروەرییە بۆ فەرمانبەران و کەسوکاری سەربەرزی شەهیدان و پێشمەرگە قارەمانەکان". ، مەسرور بارزانی ئەوەشی خستووەتەڕوو: "هاوولاتییان دڵنیا دەکەینەوە کە دەقی کۆتایی یاساکە دڵنیایی گرنگی تێدایە سەبارەت بە مووچە وئیمتیازاتەکانی فەرمانبەر و مووچەخۆران بە جۆرێک کە کەسانی شایستە مافەکانیان پارێزراو دەبێت". ، سەرۆکی حکومەتی هەرێم جەختیکردووەتەوە: "چاکسازی پرۆسەیەکی بەردەوامە و گشت کەرتەکان دەگرێتەوە، ئەم یاسایەش بەڵگەیەکی ڕوونی دیکەیە لە سەر پابەندبوونی حکومەتی هەرێمی کوردستان بۆ سنووردانان بۆ گەندەڵی و هەوڵدان بۆ بنبڕکردنی، هەروەها هەنگاوێکی گرنگیشە بەرەو حکومەتێکی مۆدێرن و شەفاف و باشترکردنی خزمەتگوزارییەکان و خزمەتکردنی هاووڵاتییانی هەرێمی کوردستان بە بێ جیاوازی کە ئامانجی سەرەکی ئەم حکومەتەیە".