گه‌ڕان

Shadow Shadow

ترەمپ ئەو پلانەى قاسم سولەیمانی ئاشکراکرد کە بەهۆیەوە کوشتیان

2020.01.10 - 09:48
App store icon Play store icon Play store icon
ترەمپ ئەو  پلانەى قاسم سولەیمانی  ئاشکراکرد کە بەهۆیەوە کوشتیان

کەناڵی ناس کورد لە تێلیگرام جۆین بکە   

ناس کورد- دۆناڵد ترەمپ ڕایگەیاند، قاسم سولەیمانی پلانی داناوە باڵیۆزخانەى ئەمریکا لە بەغدا بتەقێنێتەوە بۆیە ئەوانیش کوشتیان. . دۆناڵد ترەمپ، سەرۆکى ئەمریکا بە ڕۆژنامەنوسانی وت، "کەمێک دوای ئەوەى سولەیمانی چووەتە بەغدا کوشتمان، چونکە ئەو دەیوست باڵیۆزخانەکەمان لە بەغدا بتەقێنێتەوە." . دەشڵێت، "ئێمە دڕندەیەکی مەترسیدارمان کوشت، دەبوایە چەند ساڵێک پێش ئێستا ئەو کارە بکرایە." . ئەوە لە کاتێکدایە مایک پۆمپیۆ، وەزیری دەرەوەى ئەمریکا ڕایگەیاند، "دەزگا هەواڵگرییەکانی ئەمریکا هیچ زانیارییەکیان نەبووە لەسەر کات و شوێنی ئەو پلانەى کە سولەیمانی دەیویست ئەنجامی بدات بۆسەر ئەمریکا." . پۆمپیۆ لە چاوپێکەوتنێکی تەلەفزیۆنیدا وتی، "هیچ گومانێکمان نییە کە زنجیرە هێرشێک بۆسەر ئەمریکا بەڕێوەبوو کە سولەیمانی پلانی بۆ دانابوون، بەڵام بە وردی کات و شوێنەکەی نازانین، بەڵام زانیارییەکان ڕاستین." . ڕۆژی 3ی کانونی دووەمی 2020، لەدوای گەیشتنی بە فڕۆکەخانەى بەغدا، قاسم سولەیمانی، فەرماندەى فەیلەقی قودسی ئێران و مەهدی موهەندیس، جێگری سەرۆکى دەستەى حەشدی شەعبی بە بۆردومانی فڕۆکەى ئەمریکی کوژران. . ئەوەش زیاتر ئاڵۆزییەکانی ئێران و ئەمریکای توندکرد و چوار ڕۆژ دواتر، ئێران بە موشەکی بالستی هێرشی کردە سەر هەردوو بنکەى سەربازیی عەین ئەسەد لە ئەنبار و حەریر لە هەولێر کە سەربازی ئەمریکی تێدا جێگیرکراوە.