گه‌ڕان

Shadow Shadow

قەیس خەزعەلى: هیشتا تۆڵەکردنەوەى موهەندیس دەستى پێنەکردووە

2020.01.09 - 20:48
App store icon Play store icon Play store icon
قەیس خەزعەلى: هیشتا تۆڵەکردنەوەى موهەندیس دەستى پێنەکردووە

کەناڵی ناس کورد لە تێلیگرام جۆین بکە   

ناس کورد- ، قەیس خەزعەلی، ئەمیندارى گشتیى عەسائیبى ئەهلى هەق ڕایگەیان، هێشتا تۆڵەکردنەوەى ئەبو مەهدى موهەندیس دەستى پێنەکردووە، ئاماژەی بەوەشکرد، تۆڵەکردنەوەکە باڵیۆزخانە و دیپلۆماتکاران ناگرێتەوە. ، لەڕاگەیەنراویکدا کە ئەمڕۆ پێنجشەممە، 9ى کانوونى دووەمى 2020 بڵاویکردووەتەوە ، قەیس خەزعەلى، ئەمیندارى گشتیی عەسائیبى ئەهلى هەق ڕایگەیاند: "ڕۆژ لەدواى ڕۆژ ئەمریکا گومڕایى  خۆى زیاتر دەردەخات کە جگە لەبەرژەوەندییەکانى خۆى و ئیسرائیل  هیچ شتێکی لا گرنگ نییە و سووربونى لەدەرنەچوون لەعێراقدا بەڵگەیە لەسەر ئەوە". ، ئاماژەى بەوەشکرد: "هیوادارین گەلى ئەمریکا فشار بخەنە سەر حکومەتەکەیان بۆ کشاندنەوەى سەربازەکانیان بۆ وڵاتى خۆیان و دورکەوتنەوە لە ڕشتنى خوێنى خەڵکى و کۆنگرێسى ئەمریکا وەکو پەڕلەمانى عێراق ئازایانە ئەو بڕیارە بدەن، بەداخەوە تا ئێستاش ئەوە ڕوینەداوە". ، خەزعەلى هۆشداری ئەوەشیداوە، ئەگەر ئەمریکا لە عیراق نەچێتە دەرەوە، ئەوان ناچارن بەو ئەرکە هەستن و بەزۆر بیانکەنە دەرەوە.   لەدوای کوشتنی هەریەک لە قاسم سولەیمانی و ئەبو مەهدی موهەندیس، بەرەبەیانی ڕۆژی چوارشەممە ئێران چەندین موشەکی ئاڕاستەی بنکەی عەین ئەسدی ئەمریکا کرد لە ئەنبار و دواتر ئاماژەیان بەوەکرد، کە تۆڵەی خوێنی قاسم سولەیمانیان کردووەتەوە، تائێستاش قەیس خەزعەلی چەند جارێک هەڕەشەی تۆڵەکردنەوەی ئەبو مەهدی موهەندیسی کردووە.