گه‌ڕان

Shadow Shadow

12 کەس دەستگیرکران کە حەوتیان فەرمانبەرن

بەوێنە؛ لە باشماخ 16 تۆن مەشروب لەناو تانکەرێکى نەوتدا دەستى بەسەردا گیرا

2020.01.06 - 18:20
App store icon Play store icon Play store icon
بەوێنە؛ لە باشماخ 16 تۆن مەشروب لەناو تانکەرێکى نەوتدا دەستى بەسەردا گیرا

کەناڵی ناس کورد لە تێلیگرام جۆین بکە   

ناس کورد-   ئاسایشى سلێمانى دەستبەسەرداگرتنى 16 تۆن مەشروباتى کحولى لە مەرزى باشماخ ڕاگەیاند، لەکاتى هەوڵدان بۆ بردنە دەرەوەى بۆ دەرەوەى هەرێم بەشێوەى قاچاخ. . ئەمڕۆ دووشەممە شەشى کانونى دووەمى 2020، ئاسایشى سلێمانى لە ڕاگەیەنراوێکدا ڕایگەیاند، لەڕۆژى 30/12/2019 لە مەرزى باشماخ دەستیانگرتووە بەسەر تانکەرێکدا کە نایاسایی 16 تۆن مەشروباتى کحولى بارکردبوو. . باسى لەوەشکردووە، مەشروبەکان بەشێوەیەکى شاراوە لەناو تانکەرەکەدا بارکرابوو، شوێنى تایبەتى بۆ دروستکرابوو، تا لەکاتى پشکنیندا وا دەربکەوێت کە نەوتى ڕەشى بارکردووە، لەکاتێکدا تەواوى تانکەرەکە مەشروبات بووە. بەپێی ڕاگەیەنراوەکەى ئاسایش، 12 کەس لەسەر هەوڵى بردنە دەرەوەى ئەو تانکەرە بۆ دەرەوەى هەرێم دەستگیرکراون، کە شۆفێرێک و خاوەن بارەکانى تێدایە و حەوتیشیان فەرمانبەرى پشکنینى سۆنارى ئۆتۆمبیلى مەرزى باشماخن. . ئەوەشى خستووەتەڕوو، تۆمەتبارەکان دانیان بەتاوانەکەیاندا ناوە و وتویانە کە ئەمە کارى یەکەمجارییان نییە و چەند جارێک بە قاچاخ باریان بردووە و کارئاسانییان بۆ کراوە.