گه‌ڕان

Shadow Shadow

جێگرەوەى سولەیمانى: خودا تۆڵەکەرەوەى سەرەکى خوێنى قاسم سولەیمانییە

2020.01.06 - 10:28
App store icon Play store icon Play store icon
جێگرەوەى سولەیمانى: خودا تۆڵەکەرەوەى سەرەکى خوێنى قاسم سولەیمانییە

کەناڵی ناس کورد لە تێلیگرام جۆین بکە   

ناس کورد-   بەگوێرەی ئاژانسى سەداو سیماى کۆمارى ئیسلامى ئێران، ئیسماعیل قائانى، فەرماندەى نوێى فەیلەقى قودسی ئێران ڕایگەیاندووە :"بەهەمان ڕێچکەى قاسمی سولەیمانى و بە ئیرادە و هێزەوە هەنگاو دەنێین و پرسەکەمان بەدەرکردنى تەواوى ئەمریکا و گەیشتن بەحکومەتى جیهانی ئیمامى زەمانە(ئیمامى مەهدى شیعەکان)، بەپشتیوانى ڕابەرى باڵا بەدەستدەهێنین". . قائانی وتیشی :"خودا تۆڵەکەرەوەى سەرەکى خوێنى قاسمى سولەیمانییە، بەڵام تۆڵەکردنەوەش تا پەیدابوونى تۆڵەکەرەوەى سەرەکى سەرجەم خوێنڕژاوەکان کە  (ئیمام زەمانە)بەردەوام دەبێت". . دواى کوشتنى قاسم سولەیمانى، فەرماندەى سوپاى فەیلەقى قودسى ئێران، بەبڕیارێکى عەلی خامنەیی، ڕابەری شۆڕشی ئێران، ئیسماعیل قائانى خرایە جێگەی و دواى دەستبەکاربوونیشى لەو پۆستەدا ئەمە دووەمین هەڕەشەى قائانییە بۆ تۆڵەکردنەوەى خوێنى قاسم سولەیمانى. . بەرەبەیانی ڕۆژی (هەینی، 3ی کانونی دووەمی 2020)، قاسم سولەیمانی ، فەرماندەی فەیلەقی قودسی سەر بە سوپای پاسدارانی ئێران لەگەڵ ئەبو مەهدی موهەندیس، جێگری سەرۆکی دەستەی حەشدی شەعبی و هەشت فەرماندەی پاسداران و حەشد لە بۆردومانێکی فڕۆکە بێ فڕۆکەوانەکانی ئەمریکادا لە بەغدای پایتەختی عێراق، کوژران. .