گه‌ڕان

Shadow Shadow

پۆمپیۆ ڕێکخەرانى هێرشەکەى سەر بە باڵیۆزخانەى ئەمریکای لە بەغدا ئاشکراکرد

2020.01.01 - 10:19
پۆمپیۆ ڕێکخەرانى هێرشەکەى سەر بە باڵیۆزخانەى ئەمریکای لە بەغدا ئاشکراکرد
ناس کورد- مایک پۆمپیۆ، وەزیرى دەرەوەى ئەمریکا هێرشی کردە سەر سەرکردەکانى حەشدى شەعبى و تۆمەتباریکردن بە سەرکردایەتیکردنى هێرشەکەى سەر باڵیۆزخانەى ئەمریکا لە بەغدا. . مایک پۆمپیۆ لە تویتێکدا نوسیویەتى، "هێرشەکە لەلایەن هەریەکە لە تیرۆریستان، ئەبو مەهدى موهەندیس، قەیس خەزعەلى ڕێکخراوە و هەردوو بەکرێگیراوی ئێرانیش هادى عامرى و فالح فەیاز بەشدارییان تێدا کردووە". https://twitter.com/SecPompeo/status/1212160732445499394?s=20 . باسى لەوەشکردووە، نایانەوێت هێرشکردنە سەر باڵیۆزخانەى ئەمریکا و خۆپیشاندانەکانى عێراق تێکەڵ بکەن، کە نزیکەى دوو مانگە لەسەر شەقامن بۆ بەرژەوەندى گەل و کۆتایی هێنان بە گەندەڵى کە ئێران هەناردەى ئەو وڵاتەی کردووە. . دوێنێ ژمارەیەک خۆپیشاندەر و لایەنگرى حەشدى شەعبى لەبەردەم باڵیۆزخانەى ئەمریکا لە بەغدا گردبوونەوە و ئاگریان لە دوو دەروازەى باڵیۆزخانەکە بەردا، ئەوەش کاردانەوەى زۆرى بەدواى خۆیدا هێنا. . ئەمریکا ئێرانى تۆمەتبارکرد بە ئەنجامدانى هێرشەکە، بەڵام ئێران ڕەتیکردەوە ئەو ڕووداوە پەیوەندى بەو ڵاتەکەیەوە هەبووبێت.