گه‌ڕان

Shadow Shadow

هەسەدە هەوڵێکی کۆمەڵکوژی هاوڵاتیانی لە شەوی سەری ساڵدا پوچەڵ کردەوە

2019.12.31 - 21:02
App store icon Play store icon Play store icon
هەسەدە هەوڵێکی  کۆمەڵکوژی  هاوڵاتیانی لە شەوی سەری ساڵدا پوچەڵ کردەوە

کەناڵی ناس کورد لە تێلیگرام جۆین بکە   

ناس کورد- ، لە ئۆپراسیۆنێکدا شەڕڤانانی هەسەدە، هەوڵێکی خوێنڕێژیان لە ڕۆژئاوای کوردستان پوچەڵ کردەوە و  چەند ئەندامێکی شانەیەکی نهێنی چەکدارانی داعشیان دەستگیرکرد کە پلانیان دانابوو، ئەمشەوی سەری ساڵ لە شوێنە قەرەباڵغەکاندا تەقینەوە ئەنجامبدەن. ، لە ڕاگەیەندراوێكدا ناوەندی ڕاگەیاندنی هێزەکانی سوریای دیموکرات (هەسەدە)  ڕایگەیاند: "لە لایەن تیمێکی ئۆپراسیۆنی تایبەتەوە چالاکییەک دژی حەشارگەیەکی داعش لە هەرێمی شەدادیە ئەنجامدراوە چەندین ئەندامی شانەیەکی نهێنی چەکدارانی داعش دەستگیرکراون". ، ناوەندی ڕاگەیاندنی هێزەکانی سوریای دیموکرات، ئاماژەی بەوەداوە، ئەو کەسانەی دەستگیرکراون، پلانیان داناوە لە شەوی سەری ساڵدا بە ئۆتۆمبیلی بۆمبرێژکراو، لە قامشلۆ و حەسەکە و دێرک هێرش بکەنە سەر هاوڵاتییانی سڤیل و کۆمەڵکوژیی ئەنجام بدەن". ، ئەوەش خراوەتەڕوو، لەو ئۆپڕاسیۆنە سەرکەوتووەدا سەرۆکی گروپەکە بە ناوی سوڵتان حسێن ناسراو ئەبو مونزیر کە بە ڕەچەڵەک خەڵکی عێراقە، دەستگیر کراوە. ، ناوەندەکەی هەسەدە باسی لەوەشکردوە، چەکدارێکی دیکەی گروپەکە  بە ناوی ئەحمەد محەمەد ئەلعەبد، کە ئۆتۆمبێلێکی بۆمبڕێژکراوی لە قامشلۆ ئامادەکردبوو بۆ تەقاندنەوە، دەستگیرکرا، ئۆتۆمبیلە بۆمبڕێژکراوەکەش پووچەڵکراوەتەوە.