گه‌ڕان

Shadow Shadow

دواى هێرشەکەى سەر کەتائیبى حزبوڵا

عێراق پێداچونەوە دەکات بە پەیوەندییەکانى لەگەڵ هاوپەیمانان

2019.12.30 - 18:40
App store icon Play store icon Play store icon
عێراق  پێداچونەوە  دەکات بە پەیوەندییەکانى لەگەڵ هاوپەیمانان

کەناڵی ناس کورد لە تێلیگرام جۆین بکە   

ناس کورد- ئەنجومەنى وەزاریی ئاسایشى نیشتیمانى عێراق ڕایگەیاند، هێرشەکەى ئەمریکا بۆ سەر پێگەکانى کەتائیبى حزبوڵا لە ئەنبار، هانیان دەدات پێداچونەوە بکەن بە پەیوەندییەکانیان لەگەڵ هاوپەیمانان. . ئەنجومەنەکە لە بەیاننامەیەکدا ئاماژەى بەوەکردووە، لەکۆبوونەوەیەکى نائاساییدا تاوتوێی ئەو هێرشەیان کردووە کە فڕۆکەکانى ئەمریکا دژى "هێزە عێراقییەکان" لەسەر سنورى عێراق و سوریا ئەنجامیانداوە. . جەختیشیکردووەتەوە، کە ئیدانەى هێرشەکە دەکەن و بە پێشێلکردنى سەروەریی عێراق دایدەنێن، هەروەها پێیانوایە بەزاندنى مەترسیدارى کارەکانى هاوپەیمانانە، بەو پێیەى هێرشەکە بەبێ ڕەزامەندى عێراق ئەنجامدراوە. . ئەنجومەنى  وەزارى ئاسایشى نیشتیمانى عێراق دەڵێت، چەندینجار جەختیان کردووەتەوە کە نایانەوێت عێراق ببێتە گۆڕەپانى جەنگ و هەر ململانێیەکى هەرێمایەتى یان نێودەوڵەتى. . باسى لەوەشکردووە، ئەو هێرشەکە هانیان دەدات پێداچونەوە بکەن بە پەیوەندییەکان لەگەڵ هاوپەیمانان، بۆ پارێزگاریکردنى عێراق و هاوڵاتییان.