گه‌ڕان

Shadow Shadow

ئەمساڵ شەش هەزار کەس لە هەولێر دەستگیرکراون کە دۆسیەی 700 کەسیان یەکلایی نەکراوەتەوە

2019.12.29 - 15:08
App store icon Play store icon Play store icon
ئەمساڵ شەش هەزار کەس لە هەولێر دەستگیرکراون کە دۆسیەی 700 کەسیان یەکلایی نەکراوەتەوە

کەناڵی ناس کورد لە تێلیگرام جۆین بکە   

ناس کورد- بەڕێوەبەرایەتی پۆلیسی هەولێر ئاماری کار و چالاکییەکانی ساڵی 2019ی بڵاوکردەوە و بەگوێرەی ئامارەکانیش، لەمساڵدا زیاتر لە شەش هەزار کەس دەستگیرکراون و تائێستاش دۆسییەی زیاتر لە 700 کەسیان یەکلانەکراوەتەوە. . ئەمڕۆ یەکشەممە، 29ی کانونی یەکەمی 2019، لە کۆنگرەیەکی ڕۆژنامەوانیدا، هۆگر عەزیز، وتەبێژی پۆلیسی هەولێر ڕایگەیاند: "لەماوەی ئەمساڵدا، شەش هەزار و 411 کەیسی یاسایی لە گشت بنکەکانی پۆلیس و نوسینگەکانی نەهێشتنی تاوان تۆمارکراون و  لە بەرانبەردا شەش هەزار و 212 تۆمەتبار لە گشت کەیسەکان دەستگیرکراون". . وتیشی، لە کۆی گشتیی کەیسەکان، پێنج  هەزار و 398 کەیس پەڕاوی لێکۆڵینەوەیان یەکلایی کراوەتەوە و ڕەوانەی دادگاکان کراون. . وتەبێژی پۆلیسی هەولێر ئاماژەی بەوەشکرد، لە کۆی گشتیی تۆمەتبارانیش، 96 تۆمەتباریان بڕیاری کۆتاییان لە دادگا بۆ دەرچووە. . هاوکات سەبارەت بە بەندکراوان، هۆگر عەزیز ڕوونیکردەوە، تەنها 718 تۆمەتبار تاوەکو ئێستا کەیسەکانیان لەژێر لێکۆڵینەودا ماوە، واتە بەشێوەی رێژەیی، 78٪ ی کەیسەکان کۆتاییان پێهاتووە، تەنها 13٪ کەیسەکان لەژێر لێکۆڵینەوەدا ماون.