گه‌ڕان

Shadow Shadow

پارێزگارى نەجەف بۆ سەرۆکوەزیران بەربژێر کراوە؟

فراکسیۆنی عەسائیب بۆ ناس کورد: داکۆکی لە هیچ بەربژێرێک ناکەین بۆ سەرۆکوەزیران

2019.12.28 - 23:52
App store icon Play store icon Play store icon
فراکسیۆنی عەسائیب بۆ ناس کورد: داکۆکی لە هیچ بەربژێرێک ناکەین بۆ سەرۆکوەزیران

کەناڵی ناس کورد لە تێلیگرام جۆین بکە   

ناس کورد-   پەرلەمانتارێکی فراکسیۆنی سادیقونى سەر بە عەسائیبى ئەهەلى حەق لە پەرلەمانی عێراق ڕایگەیاند، فراکسیۆنەکەیان پشتگیریی لە هیچ بەربژێریک بۆ پۆستی سەرۆکوەزیران ناکات، ئەگەر ئەو بەربژێرە دڵخوازی شەقام نەبێت. . سەعد شاکر، پەرلەمانتاری فراکسیۆنی ساديقونی سەربە عەسائیبی ئەهلی حەق بەسەرۆکایەتى قەیس خەزعەلى، بە ناس کوردی ڕاگەیاند "فراکسیۆنی سادیقون بەهیچ شێوەیەک داکۆکی لە بەربژێریکی دیاریکراو ناکات بۆ پۆستی سەرۆکوەزیرانی عێراق". . وتیشی "نامانەوێت ئەو کەسەی کە بەربژێردەکرێت بۆ ئەو پۆستە ببێتە هۆکارى ئاڵۆزیی و مشتومڕی لایەنە سیاسییەکان و توڕەبوونی شەقام". . پەرلەمانتارەکەی سادیقون ئەوەشی خستەڕوو، دۆخی ئیستای عێراق پێویست بەو دەکات کەسێکی  بێلایەن، خاوەن ئەزموون لە دەرەوەی پرۆسەی سیاسی عێراقی پۆستی سەرۆکوەزیران پڕبکاتەوە. . سەعد شاکر، جەختی لەوەشکردەوە، کە دەبێت بەربژێری سەرۆکوەزیران دڵخوازی خۆپیشاندەران بێت و بەگوێرەی ئەو مەرجانە بێت کە ئەوان ئاماژەیان پێکردووە. . ئەمە لەکاتێکدایە، دوێنێ هەینى قەیس خەزعەلی ڕابەری عەسائیبى ئەهلى حەق ڕایگەیاندبوو، “بیانووەکانی” بەرهەم ساڵح بۆ ڕەتکردنەوەی بەربژێری فراکسیۆنی بنیادنان بۆ پۆستی سەرۆکوەزیران، “نابەجێبوون”. . لەدواى ڕەتکردنەوەى کاندیدکردنى بەربژێری فراکسیۆنی بنیادنان بۆ پۆستی سەرۆکوەزیران لەلایەن سەرۆککۆمارەوە تا ئێستا هیچ کەسێکى دیکە بۆ ئەو پۆستە بەربژێر نەکراوە. . ئەمڕۆش، دەنگۆی ئەوە بڵاوبووەوە، کە لوئەی یاسری پارێزگاری نەجەف بەربژێر کرابێت بۆ پۆستی سەرۆکوەزیرانی عێراق، بەڵام هەر زوو ئەو دەنگۆیە لەلایەن نووسینگەی یاسرییەوە ڕەتکرایەوە.