گه‌ڕان

Shadow Shadow

له‌ دوو هه‌فته‌دا 235 هه‌زار كه‌س ئاواره‌بوون

ڕۆژئاواى کوردستان دەرگا بۆ ئاوارەکانى ئیدلب دەکاتەوە

2019.12.27 - 19:58
App store icon Play store icon Play store icon
ڕۆژئاواى کوردستان دەرگا بۆ ئاوارەکانى ئیدلب دەکاتەوە

کەناڵی ناس کورد لە تێلیگرام جۆین بکە   

ناس کورد- مەزڵوم کۆبانێ ئامادەیی هەسەدەى نیشاندا بۆ پێشوازیکردن لە ئاوارەکانى ئیدلب، کە بەهۆى هێرشەکانى ڕوسیا و سوریاوە ئاوارەبوون. . مەزڵوم کۆبانێ، فەرماندەی گشتی هێزەکانی سوریای دیموکرات ئەمڕۆ هەینی، 27ى کانوونی یەکەمی 2019، لە تویتێکدا، ئامادەیی هێزەکانی سوریا دیموکرات (هەسەدە)ى نیشاندا بۆ پێشوازیکردن لە ئاوارەکانی ئیدلب لە باکورى خۆرئاواى سوریا. . ئاماژەى بەوەشکردووە، ئاوارەکان دەتوانن لەڕێگەی هەماهەنگیکردن لەگەڵ هێزەکانی سوریای دیموکرات لەئیدلب بگەنە ناوچە ئارامەکانی ژێر کۆنتڕۆڵی هەسەدە. . بەپێی ئامارەکانى رێکخراوی "ئۆچا"ی سەر بە نەتەوەیەکگرتووەکان، به‌هۆى هێرشه‌كانى سوریا و ڕوسیا بۆسه‌ر پارێزگاى ئیدلب له‌ ماوه‌ى دوو هه‌فته‌دا، 235 هه‌زار كه‌س ئاواره‌بوون. . بەپێی ڕاپۆرتەکە زۆربەی ئاوارەکان خەڵکی شارۆچکەی مەعرەت نوعمانن و لە چەند ڕۆژی ڕابردووشدا ژمارەی ئاوارەبوونی خەڵکەکە زیاتربووە. . لاى خۆیەوە، ڕوانگەی سوری بۆ مافەكانی مرۆڤ رایگەیاند، ژمارەیەكی زۆر لە چەكدارانی میلیشیاکانى سەربە توركیا هەوڵیانداوە لە ناوچەكانی شەڕ لە گرێسپى هەڵبێن و چەکەکانیشیان ڕادەستی هێزەکانی سوریای دیموکرات بکەن. . ئاماژەی بەوەشکردووە، ئەو چەكدارانەی نزیك لە توركیا پێشنیارێكیان پێشكەش بە هێزەكانی سوریای دیموكرات (هەسەدە) كردووە لەبەرامبەر كردنەوەی ڕێگە بۆ منبەج و لەوێوە بۆ جەرابلوس تا بگەنە پارێزگای ئیدلیب، ئامادەن سەرجەم چەكە سوك و قورسەكانیان ڕادەستی شەڕڤانان بكەن. . ڕوانگەی سوری بۆ مافەكانی مرۆڤ ئەوەشی خستووەتەڕوو، هێزەكانی سوریای دیموكرات ئەو پێشنیازەیان پەسەندكردووە و لە ئێستادا ژمارەیەك ئۆتۆمبێلیان ئامادەكردووە تا بیانگەیەنێتە ئیدلب. . باسى لەوەشکردووە، ڕوسیا ڕەزامەندی لەسەرئەو کارە نەداوە بە تەواوی ڕەتیكردوەتەوە بەو پێشنیازە ڕازیبێت.