گه‌ڕان

Shadow Shadow

جێگری پارێزگاری هەڵەبجە داوای بایکۆتی هەڵبژاردانەکانى عێراق دەکات

2019.12.24 - 23:47
App store icon Play store icon Play store icon
جێگری پارێزگاری هەڵەبجە داوای بایکۆتی هەڵبژاردانەکانى عێراق دەکات

کەناڵی ناس کورد لە تێلیگرام جۆین بکە   

ناس کورد- جێگری پارێزگاری هەڵەبجە ڕەخنە لە یاسای هەڵبژاردنەکانی عێراق دەگرێت و دەڵێت، باشترین بژاردە "بایکۆتکردنی" هەڵبژاردنەکانی عێراقە لە هەڵەبجە. . کاوە شێخ عەلی، جێگری پارێزگاری هەڵەبجە لە نوسینێکدا لە فەیسبوکی خۆی ڕایگەیاندوە: "بەڕای من ئەگەر هەوڵەکان شکستی هێنا چ لەلایەن پەرلەمانتارانی کورد چ لەلایەن سەرۆکایەتی کۆمار چ لە دادگای ئیتیحادی چ وەک دواخستن وەک مادەی 39 ی یاساکە، ئەوا لەبەر ئەم هۆکارانە باشترینی خراپەکان دەبێت بۆ پارێزگای هەڵەبجە و بۆ لایەنە سیاسیەكانیش". . کاوە شێخ عەلی ئاماژەی بەوەکردوە: "ئەگەر بێت و خەڵکی هەڵەبجە و هەموو لایەنە سیاسییەکان بڕیاری بایکۆتکردنی هەڵبژاردنەکان بدەین ئەوا فۆکەسی ڕاگەیاندنەکان لە ئاستی عێراق و جیهانیش دا دەکەوێتە سەر هەڵەبجە کە هۆی چییە لە ڕابردوودا ئەوەندە دژایەتی ئەم پارێزگایە کراوە و ئێستاش بەهەمان شێوە پەراوێز دەخرێت کە ئەم پرسیارە زۆر جار نوێنەری وڵاتان و ڕۆژنامەنوسە جیهانییەکان بەدوای وەڵامی دا دەگەڕێن بەڵام ئەگەر بەبەشداری نیو کورسی ڕازی بین ئەوا دیارە خۆمان قبوڵمان بووە". . جێگری پارێزگاری هەڵەبجە ئاماژەی بەوەکردوە: "ئەگەر هەڵەبجە بەشدار بێت لە بازنەی پارێزگای سلێمانی وەک قەزایەک بە پێی ژمارەی کورسیەکان کە 14 کورسیە لەوانەیە تەنها کورسیەکیشی بەرنەکەوێت کە بەنزیکەیی بۆ 150 هەزار کەس کورسیەک دەبێت بەڵام هەڵەبجە نزیکەی 130 هەزار کەسە و لەو ژمارەش پێشتر کەمتر لە 50 هەزار دەنگی داوە، هەروەها براوەترین لایەنی سیاسی دەنگەکانی نەگەیشتووەتە 11 هەزار کەواتە ئەگەر لە بازنەی پارێزگای سلێمانی بێت ئەوا نزیکەی 60 هەزار دەنگی پێویستە کاندیدێک کەواتە ئەگەر هەموو پارێزگاکە تەنها بۆ کاندیدی لایەنێکیش دەنگ بدات کە هەرگیز ڕوونادات هەر کاندیدی دەرناچێت". . جێگری پارێزگاری هەڵەبجە دەشڵێت: "ئەگەر ڕازی بین لەم هەمووە پەراوێزخستنە و لەبەر تەنها قاچی یەک کورسی وەک قەزا قبوڵمان بێت ئەوا هەرگیز بەتەمای ئاوڕ لێدانەوە نەبین و ئەگەر بازنەیەکی سەربەخۆ بێت بەلای کەمەوە دوو بۆ سێ کورسی دەبێت، لایەنەکان ئەتوانن منافسە لەسەری بکەن بۆ خۆیان گونجاوترە تا منافسە لەسەر یەک کورسی یان نیو کورسی کە لەوانەیە بۆ کەسیان نەبێت".